فیفا ورلڈ کپ سے آنسو کے ساتھ رخصت ہونے والے کرسٹیانو رونالڈو کی ’کوسموگراف ڈیٹونا‘ نامی گھڑی کے دنیا بھر میں چرچے ہو رہے ہیں۔

عرب میڈیا کی خبر کے مطابق فیفا ورلڈ کپ سے آنسوؤں کے ساتھ رخصت ہونے والے کرسٹیانو رونالڈو نے اپنے مداحوں کو ایک بار پھر متحرک کر دیا ہے۔

سعودی عرب کے النصر فٹ بال کلب سے پرتگالی فارورڈ کرسٹیانو رونالڈو کے تاریخی معاہدے کے بعد دنیا بھر کی نگاہیں ان پر جمی ہیں جو رونالڈو کی حرکات و سکنات پر نظر جمائے بیٹھے ہیں۔

یاد رہے کہ النصر فٹ بال کلب سے معاہدے کے بعد جب کرسٹیانو رونالڈو اپنے کلب کے ملک سعودی عرب پہنچے تو ریاض کے مارسول پارک اسٹیڈیم میں مداحوں کا جم غفیر ان کی ایک جھلک دیکھنے کے لیے بے تاب تھا۔

النصر فٹ بال کلب کے مالک اب رونالڈو کو خطیر رقم دے کر اپنے حق میں استعمال کر رہے ہیں، کلب کے لیے پہلا میچ کھیلنے سے قبل کرسٹیانو رونالڈو کو شائقین کے سامنے پیش کرنا اپنے آپ میں ایک تاریخی موقع تھا۔

النصر کلب کی شرٹ پہنچ کر کرسٹیانو رونالڈو جب اسٹیڈیم میں داخل ہوئے تو کان پڑے آواز سنائی نہیں دے رہی تھی، یہ پہلی مرتبہ ہے کہ کسی فٹ بالر کو عوام اور میڈیا کے ذریعے پوری دنیا کے سامنے پیش کیا گیا۔

سعودی عرب کے لوگ اب کرسٹیانو رونالڈو کی محبت میں دیوانے ہو چکے ہیں اور وہ پرتگالی اسٹار کو ہر انداز میں فالو کر رہے ہیں، سوشل میڈیا پر رونالڈو کی طرح ان کی عربی رسم الخط والی ’کوسموگراف ڈیٹونا‘ نامی گھڑی کے بھی چرچے ہو رہے ہیں۔

کرسٹیانو رونالڈو کی طرح ان کی گھڑی بھی دنیا بھر میں مشہور ہو چکی ہے اور رونالڈو کی کلائی پر بندھی اس گھڑی پر لوگ سوشل میڈیا پر باتیں کر رہے ہیں۔

گھڑی سے متعلق عرب خبر رساں ادارے سے گفتگو کرتے ہوئے ورلڈ آف واچز سے تعلق رکھنے والے ایک ماہر نے بتایا کہ رونالڈو نے “رولیکس” برانڈ کی جو گھڑی پہنی تھی، وہ ’’کوسمو گراف ڈیٹونا‘‘ ہے۔

اس بیش قیمت گھڑی میں بیگویٹ ڈیزائن میں ہیرے جڑے ہوئے ہیں اور یہ ڈیزائن خواتین کے زیورات میں عام ہے، اس ڈیزائن کا استعمال انگوٹھیوں اور گھڑیوں میں استعمال کیا جاتا ہے۔

کوسموگراف ڈیٹونا نامی گھڑی کے اس ڈیزائن کا نام مشہور فرانسیسی روٹی کے نام پر رکھا گیا، رونالڈو کی گھڑی میں ایک چھوٹا ہیرا مستطیل یا مربع شکل کا ہے جس کے سیدھے یا نوکیلے کنارے ہیں۔

گھڑیوں کے ماہر نے بتایا کہ کرسٹیانو رونالڈو نے جو گھڑی پہنی ہوئی ہے وہ عربی ہندسوں مزین ایک پلاٹینم گھڑی ہے جس کی قیمت 6 لاکھ 50 ہزار سعودی ریال ہے، جو پاکستانی روپوں میں تقریباً 4 کروڑ کے لگ بھگ ہے۔

گھڑی کے ماہر نے اس گھڑی کی خصوصیات کی مزید وضاحت کرتے ہوئے کہا کہ اس گھڑی کا ڈیزائن پروفیشنل ریسنگ کار ڈرائیورز کے لیے مفید ہے، اور یہ صارف کو بالکل درست وقت بتاتی ہے۔

کرسٹیانو رونالڈو کی یہ گھڑی مکمل طور پر سیرامک سے بنی ہے جو اسٹین لیس اسٹیل پر مبنی ہے اور اس پر سونے کی ایک پتلی پرت بھی ہے۔

ریاض کے فٹ بال اسٹیڈیم میں اپنے استقبال کے موقع پر کرسٹیانو رونالڈو نے یہ گھڑی اپنی کلائی پر باندھی ہوئی تھی، رونالڈو نے کہا کہ النصر کلب جس وژن میں کام کر رہا ہے وہ بہت متاثر کن ہے۔