امریکہ جانے کی تگ و دو میں مصروف نوجوانوں کے لیے اچھی خبر یہ ہے کہ امریکہ نے ویزہ درخواستوں کا اعلان کر دیا ہے۔

تفصیلات کے مطابق امریکی حکومت نے رواں سال ٹیکنالوجی، انجنئیرنگ اور طب کے شعبے کے ہنرمندوں کو اپنے ملک بنانے کا فیصلہ کیا ہے، جس کے لیے یکم مارچ سے ویزہ درخواستیں وصول کی جائیں گی۔

اگر آپ ٹیکنالونی ، انجنئیرنگ اور طب کے کسی بھی شعبے میں مہارت رکھتے ہیں تو امریکی ویزے کے لیے اپلائی کر سکتے ہیں۔

امریکہ نے ’ایچ – ون بی‘ نامی ویزے کی اسکیم شروع کرنے کا فیصلہ کیا ہے جس کے تحت کوئی بھی غیر ملکی ہنر مند 6 سال تک امریکہ میں رہائش اور کام کر سکتا ہے۔

امریکی امیگریشن ایجنسی اس اسکیم کا آغاز یکم مارچ سے کر رہی ہے اور 17 مارچ تک ویزہ درخواستیں وصول کی جائیں گی۔

واضح رہے کہ امریکہ کی ٹیکنالوجی کمپنیاں بھارت اور چین جیسے ممالک سے ہر سال ہزاروں ملازمین کی خدمات حاصل کرنے کے لیے ایسی اسکیموں کا انتظار کرتی ہیں۔

یو ایس سٹیزن شپ اینڈ امیگریشن سروسز (یو ایس سی آئی ایس) نے کہا کے سال 2023-24 کی اس ویزہ اسکیم کے لیے 85 ہزار ویزے رکھے گئے ہیں جن میں سے 20 ہزار ویزے امریکہ کے اعلیٰ تعلیمی اداروں کے فارغ التحصیل ہنر مندوں کے لیے مختص ہیں۔

جبکہ باقی 65 ہزار ویزے کے لیے دنیا بھر کے ہنرمند افراد سے درخواستیں وصول کی جائیں گی۔

یو ایس سی آئی ایس کا کہنا ہے کہ اگر درخواستیں مقررہ حد سے زیادہ آئیں تو پھر منتخب افراد کو بذریعہ ای میل مطلع کیا جایا گا۔