پرویز الہٰی سے سیکرٹری پنجاب اسمبلی کی اہلیہ اور بچوں کی ملاقات

ویب ڈیسک

09th Feb, 2023. 10:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرویز الہٰی سے سیکرٹری پنجاب اسمبلی کی اہلیہ اور بچوں کی ملاقات

سابق وزیر اعلیٰ پنجاب چوہدری پرویز الہٰی سے سیکرٹری پنجاب اسمبلی محمد خان بھٹی کی اہلیہ اور بچوں کی ملاقات ہوئی جس میں سیکرٹری پنجاب اسمبلی محمد خان بھٹی کی اہلیہ اور بچوں نے چیف جسٹس پاکستان سے اپیل کی ہے۔

اس موقع پر مسز محمد خان بھٹی نے کہا کہ سابق سیکرٹری لاہور ہائیکورٹ بار عامر سعید راں کو بدترین تشدد کا نشانہ بنایا گیا، میرے شوہر سمیت گرفتار 4افراد پر پر بھی بدترین تشدد کیا جارہا ہے، میرے شوہر کی زندگی کو خطرہ ہے چیف جسٹس پاکستان فوری ازخود نوٹس لیں۔

مسز محمد خان بھٹی نے یہ بھی کہا کہ 3 دن پہلے میرے شوہر کو سندھ ہائیکورٹ جاتے ہوئے مٹیاری سے گرفتار کیا گیا، میرے شوہر سندھ ہائیکورٹ سے اپنے آئینی اور قانونی حق ضمانت کیلئے رجوع کرنے جارہے تھے۔

مسز محمد خان بھٹی نے مزید کہا کہ آج 3 دن گزرنے کے بعد بھی میرے شوہر کا کوئی پتہ نہیں، میرے شوہر کو ان کا آئینی اور قانونی حق حاصل کرنے سے روکا گیا، چیف جسٹس پاکستان اس لاقانونیت کا فوری ازخود نوٹس لیں۔