فیفا کلب فٹ بال ورلڈ کپ کے سیمی فائنل میں سعودی عرب کے الہلال فٹ بال کلب نے برازیل کے فلیمنگو کلب کو شکست دے دی۔

عرب میڈیا کے مطابق برازیل کی کوپا لیبرٹادورس ٹائٹل ہولڈر فلیمنگو کو فیفا کلب فٹ بال ورلڈ کپ کے سیمی فائنل میں سعودی عرب کے الہلال فٹ بال کلب نے 3-2 سے شکست دے کر فائنل میں جگہ بنا لی۔

مراکش کے شہر تانگیر میں ہونے والے فیفا کلب ورلڈ کپ کے سیمی فائنل میں کامیابی کے بعد الہلال کے لیے عالمی چمپئین بننے کا سفر صرف 90 منٹ کی دوری پر ہے۔

سعودی عرب اور ایشیا کے سب سے کامیاب فٹ بال کلب الہلال کے شوکیس میں پاس پہلے ہی درجنوں ٹرافیاں موجود ہیں لیکن وہ اس جیسے بڑے اور عالمی انعام کے اتنے قریب کبھی نہیں آئے۔

ریاض کے حریف النصر نے ہائی پروفائل کھلاڑی کرسٹیانو رونالڈو کی خدمات حاصل کی مگر الہلال اب مملکت میں بے مثال بین الاقوامی شان کی سطح سے صرف ایک جیت کے فاصلے پر ہے۔

قطر ورلڈ کپ میں ارجنٹائن کے خلاف قومی ٹیم کی فتح کے چند ماہ بعد ہی یہ واقعی سعودی فٹ بال کے لیے اہم وقت ہیں۔

فیفا کلب ورلڈ کپ کا فائنل ہفتے کو کھیلا جائے گا، جس میں کامیابی کے بعد ان کا مقابلہ ریال میڈرڈ فٹ بال کلب سے بھی ہو گا جو کرہ ارض کا سب سے بڑا کلب ہے۔

اگر 14 بار کے یورپی چیمپیئن ریال میڈرڈ بدھ کو اپنا سیمی فائنل ہار جاتے ہیں تو الہلال کی مخالف مصری ٹیم الاہلی ہو گی جس میں عرب خطے کے شائقین کے لیے دلچسپی کا عنصر ہو گا۔

کسی بھی طرح سے، یہ الہلال کے لیے ایک بہت بڑا موقع ہو گا جو، کم از کم اس ٹورنامنٹ میں اپنی پچھلی کارکردگی کی بنیاد پر دو مرتبہ چوتھے نمبر پر رہا ہے۔