پیٹرول کی قیمتوں میں اضافے کی وجہ آئی ایم ایف معاہدہ ہے، چوہدری سالک

ویب ڈیسک

16th Feb, 2023. 03:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرول کی قیمتوں میں اضافے کی وجہ آئی ایم ایف معاہدہ ہے، چوہدری سالک

وفاقی وزیر چوہدری سالک حسین نے کہا ہے کہ پیٹرول کی قیمتوں میں اضافے کی وجہ آئی ایم ایف معاہدہ ہے۔

تفصیلات کے مطابق چوہدری سالک حسین نے اپنے بیان میں کہا کہ حکومت آئی ایم ایف کے ہاتھوں مجبور ہے، پیٹرول کی قیمتوں میں اضافے سے حکومت بھی پریشان ہے، سابق حکومت کے آئی ایم ایف سے معاہدے عام آدمی کے لیے عذاب بن گئے ہیں۔

چوہدری سالک نے کہا کہ حکومت ایران کے ساتھ گیس پائپ لائن منصوبے پر کام کر رہی ہے، چاہتا ہوں کہ پنجاب میں جلد الیکشن ہو جائیں، میں اپنے والد چوہدری شجاعت حسین کی نشست پر الیکشن لڑونگا، امید ہے کہ جنرل الیکشن میں بھی ہمارا پی ڈی ایم سے اتحاد رہیگا۔

ان کا کہنا تھا کہ گجرات سے پی ڈی ایم کیساتھ سیٹ ایڈجسمنٹ ہو سکتی ہے، حکومت یوٹیلیٹی اسٹورز پر زیادہ سے زیادہ مراعات دے رہی ہے، چند روز تک عوام کو یوٹیلیٹی اسٹورز پر انتہائی کم قیمت پر اشیائے خورد ملیں گی۔

انہوں نے کہا کہ عمران کی گرفتاری سے متعلق کچھ نہیں کہہ سکتا، الیکشن کے بعد گجرات ڈویژن کی معطلی ختم ہو جائے گی۔