ملک کا معاشی حب ترقی کرے گا تو پاکستان بھی ترقی کرے گا، گورنر سندھ

ویب ڈیسک

26th Feb, 2023. 09:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کا معاشی حب ترقی کرے گا تو پاکستان بھی ترقی کرے گا، گورنر سندھ

گورنرسندھ کامران خان ٹیسوری نے کہا ہے کہ ملک کا معاشی حب ترقی کرے گا تو پاکستان بھی ترقی کرے گا۔

تفصیلات کے مطابق گورنرسندھ کامران خان ٹیسوری سے گورنر ہاﺅس میں متحدہ قومی موومنٹ کے رہنما عامر خان کی ملاقات ہوئی جس میں صوبے کی سیاسی صورتحال، وفاق کے ترقیاتی منصوبوں، شہر قائد کے انفرا اسٹرکچر کی بحالی اور باہمی دلچسپی کے دیگر امور پر تبادلہ خیال کیا گیا۔

ملاقات میں متحدہ قومی موومنٹ کے رہنما عامر خان نے کہا کہ صوبے کی تعمیر و ترقی کے لئے گورنر سندھ کی کاوشیں لائق تحسین ہیں۔

اس موقع پر گورنرسندھ کامران خان ٹیسوری نے کہا کہ شہر قائد کی تعمیر و ترقی کے لئے مشترکہ کاوشوں کی ضرورت ہے، تمام اسٹیک ہولڈرز مل کر صوبہ سندھ کو ترقی دلوا سکتے ہیں۔

گورنرسندھ کامران خان ٹیسوری نے مزید کہا کہ اسٹیک ہولڈرز سے مشاورت جاری رکھوں گا، تنقید کی پرواہ نہیں،، ملک کا معاشی حب ترقی کرے گا تو پاکستان بھی ترقی کرے گا۔