پاکستان سپر لیگ سیزن 8 کے ساتویں میچ میں ملتان سلطانز نے اسلام آباد یونائیٹڈ کو 52 رنز سے شکست دے دی۔

تفصیلات کے مطابق ملتان کرکٹ اسٹیڈیم میں پی ایس ایل سیزن 8 کے ساتویں میچ میں ملتان سلطانز کے 190 رنز کے جواب میں یونائیٹڈ کی پوری ٹیم 138 رنز پر ڈھیر ہو گئی، ملتان سلطان نے یہ میچ 52 رنز سے جیت لیا.

ہدف کے تعاقب میں اسلام آباد یونائیٹڈ کی پوری ٹیم 17.5 اوورز میں 138 رنز پر آؤٹ ہو گئی۔

اسلام آباد یونائیٹڈ کے اوپنر پال اسٹرلنگ 5 رنز بنا کر آؤٹ ہوئے، یونائیٹڈ کے ریسی وان ڈیر ڈوسن سب سے نمایاں بیٹسمین تھے جنہوں نے 49 رنز کی اننگ کھیلی۔

حسن نواز نے 21 اور کولن منرو نے 31 رنز بنائے جبکہ اعظم خان 16 رنز بنا کر آؤٹ ہوئے۔

اسلام آباد کی پوری ٹیم 17.5 اوورز میں 138 رنز بنا کر آؤٹ ہو گئی، ملتان سلطانز نے یہ میچ 52 رنز سے جیت لیا۔

ملتان سلطانے کے عباس آفریدی نے 3 اوورز میں 4 کھلاڑیوں کو آؤٹ کیا جبکہ محمد الیاس، احسان اللہ اور اسامہ میر نے دو، دو وکٹیں حاصل کیں۔

The @MultanSultans quicks and @iamusamamir rattle @IsbUnited to manage an emphatic win 👏#HBLPSL8 | #SabSitarayHumaray | #MSvIU pic.twitter.com/JIAdUcNpdL

— PakistanSuperLeague (@thePSLt20) February 19, 2023

اس سے قبل ملتان سلطان کے اوپنرز نے میدان میں ہدف دینے کے لیے قدم رکھا مگر شان مسعود صرف 3 رنز بنا کر پویلین لوٹ گئے۔

دوسری وکٹ کی شراکت میں کپتان محمد رضوان اور ریلی رؤسو کے درمیان 91 رنز کی شاندار شراکت نے ٹیم کو مظبوط بنیادوں پر کھڑا کیا۔

ریلی رؤسو 36 رنز بنا کر آؤٹ ہوئے جبکہ کپتان محمد رضوان نے کیپٹن اننگ کھیلی، انہوں نے 36 گیندوں پر 50 رنز بنائے۔

ملتان سلطان کے ڈیوڈ ملر اور کیرون پولارڈ نے بھی ٹیم کی پوزیشن کو مستحکم کرنے میں اپنا حصہ ڈالا، دونوں کی شراکت میں 78 رنز بنے۔

ڈیوڈ ملر بھی 52 رنز بنا کر فہیم اشرف کے ہاتھوں آؤٹ ہوئے، جبکہ پولارڈ نے 32 رنز بنائے۔

اسلام آباد کے بولنگ اسکواڈ میں شامل، ٹام کرن، فہیم اشرف، شاداب خان اور رومان رئیس نے 1،1 وکٹ حاصل کی۔

دوسری جانب پاکستان سپر لیگ میں آج ڈبل ہیڈرز مقابلے ہوں گے، دوسرے میچ میں لاہور قلندرز کو کراچی کنگز کا چیلنج درپیش ہوگا۔

لاہور قلندرز نے ایک میچ کھیلا جس میں فتح سمیٹی ہے جبکہ کراچی کنگز کو مسلسل 3 میچوں میں شکست کا منہ دیکھنا پڑا ہے۔

اسکواڈ:

ملتان سلطانز: شان مسعود، محمد رضوان (کپتان)، ریلی رؤسو، ڈیوڈ ملر، کیرون پولارڈ، خوشدل شاہ، کارلوس بریتھویٹ۔ اسامہ میر، عباس آفریدی، محمد الیاس اور احسان للہ شامل ہیں۔

اسلام آباد یونائیٹڈ: پال اسٹرلنگ، حسن نواز، رسی وین ڈر ڈوسن، کولن منرو، شاداب خان (کپتان)، اعظم خان، فہیم اشرف، ٹام کورن، محمد وسیم، رومان رئیس اور ابرار احمد شامل ہیں۔