کوئٹہ: بگٹی کرکٹ اسٹیڈیم میں نمائشی میچ کوئٹہ گلیڈی ایٹرز اور پشاور زلمی کی ٹیموں کے درمیان کھیلا جائے گا۔

تفصیلات کے مطابق 5 فروری کو بگٹی کرکٹ اسٹیڈیم میں ہونے والے نمائشی میچ میں کوئٹہ گلیڈی ایٹرز اور پشاور زلمی کی ٹیمیں مدمقابل ہوں گی جس میں کوئٹہ کی قیادت سرفراز احمد اور  پشاور زلمی کی قیادت بابر اعظم کریں گے۔

ذرائع کے مطابق دونوں ٹیموں کے اسکواڈ کا اعلان کردیا گیا ہے، اسٹیڈیم میں شائقین کے لیے صبح آٹھ بجے گیٹ کھول دیے جائیں گے جب کہ میچ کا ٹاس 11 بجے اور مقابلہ ساڑھے 11 بجے شروع ہوگا۔

کوئٹہ گلیڈی ایٹرز اسکواڈ

ذرائع کے مطابق کوئٹہ کی قیادت سرفرا احمد کریں گے جب کہ دیگر اسکواڈ میں نسیم شاہ، محمد حسنین اور خوش دل، عبدالواحد بنگلزئی، عمر اکمل اور بسم اللہ خان شامل ہوں گے۔

سعود شکیل، احسان علی، عمید آصف، عمیر بن یوسف، ایمل خان، افتخار احمد اور محمد نواز کو بھی اسکواڈ میں شامل کیا گیا ہے جب کہ کوئٹہ ٹیم کے ہیڈ کوچ معین خان اور منیجر اعظم ہوں گے۔

پشاور زلمی اسکواڈ

پشاور زلمی کی قیادت بابر اعظم کے سپرد کی گئی ہے جب کہ دیگر اسکواڈ میں حسیب اللہ خان، شاہد آفریدی، دانش عزیز، صفیان مقیم، محمد حارث اور صائم ایوب شامل ہیں۔

علاوہ ازیں عثمان قادر، اعظم خان، حیدر علی، عامر جمال اور اسامہ میر کو بھی اسکواڈ میں شامل کیا گیا ہے جب کہ کامران اکمل پشاور زلمی کے ہیڈ کوچ ہوں گے۔