دبئی ٹینس چمپئین شپ، اینڈی مرے کو وائلڈ کارڈ انٹری مل گئی

ویب ڈیسک

08th Feb, 2023. 08:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دبئی ٹینس چمپئین شپ، اینڈی مرے کو وائلڈ کارڈ انٹری مل گئی

انگلینڈ کے ٹینس لیجنڈ اینڈی مرے نے دبئی ٹینس چمپئین شپ میں وائلڈ کارڈ انٹری حاصل کر لی ہے۔

عرب میڈیا کی رپورٹس کے مطابق برطانوی ٹینس لیجنڈ اینڈی مرے نے دوسری متبہ وائلڈ کارڈ انٹری قبول کرتے ہوئے اس ماہ ہونے والی دبئی ڈیوٹی فری ٹینس چیمپئن شپ میں اپنی شرکت کی تصدیق کی ہے.

دبئی ٹینس چمپئین شپ کے منتظمین کا کہنا ہے ایونٹ میں پہلے سی ہی دنیا کے ٹاپ 20 میں سے 8 مرد کھلاڑی شامل ہیں، اینڈی مرے کے آنے سے مردوں کے میدان میں مزید معیار کا اضافہ ہو گا۔

دبئی ٹینس چمپئین شپ کا آغاز 19 فروری سے ہو گا جو دو ہفتے جاری رہے گا اور 4 مارچ کو ایونٹ کا اختتام ہو گا۔

یہ بھی پڑھیں : سابق ٹینس لیجنڈ مارٹینا نیورا تیلوا کینسر کے عارضے میں مبتلا

اینڈی مرے نے تین گرینڈ سلم ٹائٹلز جیتے ہیں، برطانوی کھلاڑی عالمی ٹینس کی رینکنگ میں 2016 میں عالمی نمبر ایک تک پہنچنے میں کامیاب ہوئے۔

اینڈی مرے نے 2016 کے اولمپک گیمز میں بھی شاندار کھیل پیش کرتے ہوئے تاریخ رقم کی تھی انہوں نے بیک ٹو بیک گولڈ میڈل جیت کر نیا ریکارڈ قائم کیا تھا۔

دبئی میں دو بار فائنلسٹ رہنے والے، مرے نے 2017 میں فرنینڈو ورڈاسکو کو شکست دے کر ٹرافی اپنے نام کی تھی.

اینڈی مرے نے 2012 میں اپنا پہلا گرینڈ سلم یو ایس اوپن جیتا تھا وہ انگلینڈ کے پہلے مرد کھلاڑی تھے جس نے 77 سال بعد گرینڈ سلم جیتا۔