پاکستان سپر لیگ سیزن 8 کے میچ میں اسلام آباد یونائیٹڈ نے کراچی کنگز کو 4 وکٹوں سے شکست دے دی۔

اسلام آباد یونائیٹڈ نے مطلوبہ ہدف 6 وکٹوں کے نقصان پر 19 ویں اوور میں حاصل کر کے اپنے پہلے میچ میں کامیابی حاصل کی۔

اسلام آباد یونائیٹڈ کے کولن منرو نے 58 اور اعظم خان 44 رنز بنا کر اپنی ٹیم کی کامیابی کی بنیاد رکھی۔

ریسی وین ڈرڈوس 31 اور فہیم اشرف نے 12 رنز بنائے۔

کراچی کنگز کے محمد عامر اور محمد موسی نے 2،2 وکٹیں حاصل کیں۔

اس سے قبل کراچی کنگز نے 20 اوورز میں 7 وکٹوں کے نقصان پر 173 رنز بنائے۔

شرجیل خان اور جیمز ونس نے اننگ کا آغاز کیا، جیمز ونس 4 رنز بنا کر پویلین لوٹ گئے جس کے بعد حیدر علی اور شرجیل خان نے دوسری وکٹ کی شراکت میں 81 رنز بنائے۔

شرجیل خان 34 رنز بنا کر آؤٹ ہوئے جبکہ حیدر علی نے 59 رنز کی شاندار اننگ کھیلی۔

میتھیو ویڈ اور شعیب ملک 18،18 رنز بنا کر آؤٹ ہوئے، عرفان خان نے 19 رنز بنائے۔

اسلام آباد یونائیٹڈ کی جانب سے رومان رئیس، محمد وسیم اور ٹام کورن نے 2،2 وکٹیں حاصل کیں۔

اسکواڈ:۔

کراچی کنگز: عماد وسیم (کپتان)، عامر یامین، جیمز فولر، حیدر علی، عمران طاہر، عرفان خان، میر حمزہ، محمد عامر، محمد عمر، محمد اخلاق، قاسم اکرم، تبریز شمسی، شرجیل خان، شعیب ملک، طیب طاہر، اینڈریو ٹائے، جیمز ونس اور میتھیو ویڈ ٹیم میں شامل ہیں۔

اسلام آباد یونائیٹڈ: ابرار احمد، معین علی، آصف علی، اعظم خان، فہیم اشرف، فضل حق فاروقی، ایلکس ہیلز، حسن علی، حسن نواز، محمد وسیم، مبشر خان، کولن منرو، رحمان اللہ گرباز، رومان رئیس، شاداب خان، صہیب مقصود، پال اسٹرلنگ اور ذیشان ضمیر ٹیم کا حصہ ہیں۔