اسلام آباد کی مقامی عدالت نے موبائل فونز اور قیمتی گھڑیوں کی سپرداری سے متعلق شیخ رشید کی درخواست خارج کر دی۔

تفصیلات کے مطابق ڈسٹرکٹ اینڈ سیشن کورٹس اسلام آباد میں سابق وفاقی وزیرداخلہ و سربراہ عوامی مسلم لیگ شیخ رشید کے موبائل فونز اور قیمتی گھڑیوں کی سپرداری کے معاملے پر سماعت ہوئی۔

عدالت نے محفوظ فیصلہ سناتے ہوئے سربراہ عوامی مسلم لیگ شیخ رشید کی موبائل فونز اور قیمتی گھڑیوں کی سپرداری سے متعلق درخواست خارج کردی۔

جوڈیشل مجسٹریٹ عمر شبیر نے سابق وفاقی وزیرداخلہ شیخ رشید کی درخواست پر محفوظ فیصلہ سناتے ہوئے مسترد کی۔

واضح رہے کہ ڈسٹرکٹ اینڈ سیشن کورٹس اسلام آباد میں موبائل فونز کی سپرداری سے متعلق سابق وزیر داخلہ شیخ رشید کی درخواست پر فیصلہ محفوظ کیا گیا تھا۔

جوڈیشل مجسٹریٹ عمر شبیر نے شیخ رشید کے وکلا کے دلائل مکمل ہونے پر فیصلہ محفوظ کیا۔ شیخ رشید کی طرف سے انتظار حیدر اورسردار شہباز ایڈووکیٹ عدالت میں پیش ہوئے۔

وکلا نے دلائل دیے کہ پولیس کے پاس موبائل نہیں تھے تو پاسپورڈ کیوں مانگتے رہے۔ گرفتاری کے وقت دیگر اشیا کیساتھ موبائل فونز بھی قبضے میں لیے گئے۔

وکلا کی جانب سے استدعا کی گئی کہ عدالت سپرداری پر مناسب حکم نامی جاری کردے۔ قبضے میں لیے گئے موبائل قیمتی ہیں۔