اس دور جدید کے دوران ٹیکنالوجی میں بھی اس قدر جدت آچکی ہے کہ چھوٹا بچہ بھی آسانی سے سمجھ سکتا ہے۔

اس دور میں والدین اپنے بچوں کو جسمانی کھیل کود کے بجائے موبائل یا ٹیبلٹ تھما دیتے ہیں جو کہ بعد میں انہی کے لئے نقصان دہ ثابت ہوتا ہے۔

 حال ہی میں  ایک ایسا واقع پیش آیا ہے جس میں دیکھا گیا ہے کہ 6 سالہ بچے نے کھیل سمجھ کر ہزاروں ڈالر کا کھانا ہی آرڑد کردیا۔

والد کو اس بات کا علم جب  ہوا جب کھانا دینے فوڈ رائیڈر گھر آپہنچا۔

سوشل میڈیا وائرل ہونے والی  اس خبر نے جہاں تمام والدین کو خبردارکردیا وہیں بہت سے صارفین کو ہنسنے پر بھی مجبور کر دیا ہے۔

مزید پڑھیں

https://www.bolnews.com/urdu/amazing/2022/12/863252/

اس سے قبل بھی ایسا ہی ایک واقع مدھو کمار نامی بھارتی نژاد امریکی خاتون کے گھر میں پیش آیا تھا جہاں ایک 2 سالہ بچے نے ہزاروں ڈالر کا گھر کا سامان آرڈر کردیا تھا اور سامان اتنا تھا کہ یک ہفتے تک آن لائن آرڈر کی جانے والی چیزیں ڈیلیور ہی ہوتی رہیں۔

خاتون کا خیال تھا کہ یہ آرڈر ان کے بڑے بچوں نے یا پھر ان کے شوہر نے کیا ہوگا لیکن جب تفتیش کی گئی تو یہ حرکت ان کے 2 سالہ بیٹے کی تھی۔

 ان کے بیٹے کا نام ایانش ہے جس نے اپنی والدہ کے فون میں ویب سائٹ پر آن لائن چیزوں کا آرڈر دے ڈالا جس کی قیمت ہزاروں ڈالر تھی۔

 اس سامان میں کرسیاں، گلدان اور دیگر گھر کی سجاوٹ کا سامنا موجود تھا جو کہ اب مدھو کمار کے گھر میں سجا ہوا ہے۔

واضح رہے کہ اپنے بیٹے کی اس حرکت پر مدھو کو غصہ نہیں آیا بلکہ وہ اس کی معصومیت پر نہال ہورہیں تھیں اور ساتھ ہی آئندہ کے لئے ایک ہدایت بھی ہوگئی کہ موبائل ہمیشہ لاک کر کے بچے کے ہاتھ میں دینا ہے۔