ترکیہ و شام میں آنے والے ہولناک زلزلے میں ہزاروں افراد کی ہلاکت میں گھانا کے انٹرنیشنل فٹ بالر بھی شامل ہیں۔

غیر ملکی میڈیا کے مطابق گھانا کے انٹرنیشنل فٹ بالر کرسٹیان اتسو ترکیہ میں زلزلے کے تقریباً دو ہفتے بعد اپنے گھر کے ملبے تلے مردہ پائے گئے ہیں۔

گھانا کے انٹرنیشنل فٹ بالر کی موت کی تصدیق ان کے ایجنٹ نے بھی کی ہے۔

گھانا کے 31 سالہ انٹرنیشنل فٹ بالر کرسٹین اتسو نے پریمیئر لیگ کی ٹیموں ایورٹن، چیلسی اور نیو کیسل کلب میں بھی کھیل چکے تھے۔

غیر ملکی میڈیا میں بتایا گیا ہے کہ کرسٹین اتسو 6 فروری کو ترکیہ میں آنے والے ہولناک زلزلے کے بعد سے لاپتہ تھے، وہ ترکیہ کے انتاکیہ ہتائے شہر کے ایک اپارٹمنٹ میں مقیم تھے جو زلزلے میں زمین بوس ہو گیا تھا۔

کرسٹین اتسو ترکیہ کے مشہور فٹ بال کلب ہیتاسپور سے منسلک تھے۔

ہیتاسپور فٹ بال کلب کے ترجمان نے اپنے ایک بیان میں کہا کہ ہمارے دکھ کو بیان کرنے کے لیے الفاظ نہیں ہیں، اتسو ہم تمہیں نہیں بھولیں گے، تم پر سلامتی ہو۔

واضح رہے کہ ہیتاسپور فٹ بال کلب نے ابتدائی طور پر کرسٹین آستو کے حوالے سے خبر دی تھی کہ زلزلے کے بعد انہیں زخمی حالت میں بچا لیا گیا ہے، لیکن کلب نے ایک دن بعد ہی آتسو کی موت کا اعلان کر دیا۔

کرسٹین آتسو کے ایجنٹ نانا سیچرے نے جو ہاتائے میں تھے، نے ہفتے کے روز ٹویٹر پر اس خبر کی تصدیق کرتے ہوئے لکھا کہ یہ دل کی گہرائیوں کے ساتھ ہے کہ میں تمام خیر خواہوں کو یہ اعلان کرنا چاہتا ہوں کہ افسوسناک طور پر کرسچن اتسو کی لاش آج صبح برآمد ہوئی ہے۔

نانا سیچرے نے مزید لکھا کہ میری گہری تعزیت ان کے اہل خانہ اور چاہنے والوں کے ساتھ ہے۔ میں اس موقع پر سب کی دعاؤں اور حمایت کے لیے شکریہ ادا کرنا چاہوں گا۔

گھانا فٹ بال ایسوسی ایشن نے کہا کہ اتسو کی لاش تقریباً دو ہفتوں کے ہفتے کی صبح برآمد ہوئی۔

گھانا کی وزارت خارجہ نے مزید کہا کہ اتسو کا بڑا بھائی اور جڑواں بہن اس مقام پر موجود تھے جب اس کی لاش برآمد ہوئی۔

گھانا کا سفارت خانہ کرسٹین آتسو کی تدفین کے لیے میت کو گھانا پہنچانے کا انتظام کر رہا ہے۔