اسرائیل کے وزیر اعظم بنجمن نیتن یاہو کے عدالتی اصلاحات کے خلاف ہزاروں اسرائیلیوں نے ریلی نکالی۔

غیر ملکی میڈیا کی رپورٹس کے مطابق اسرائیلی وزیر اعظم بنجمن نیتن یاہو کی حکوت کی طرف سے تجویز کردہ متنازعہ عدالتی تبدیلیوں کے خلاف ہزاروں اسرائیلی شہریوں نے احتجاجی ریلی نکالی۔

تل ابیب میں ہزاروں اسرائیلیوں نے شدید بارش کے باوجود مظاہرے میں حصہ لیا، اور مظاہرین وزیر انصاف کے خلاف نعرے لگائے۔

مظاہرین کا کہنا تھا کہ وزیر اعظم بنجمن نیتن یاہو کی عدالتی اصلاحات اسرائیل کی سپریم کورٹ کو کمزور کرنے کے مترادف ہے۔

مظاہرے میں شریک ایک 48 سالہ سافٹ ویئر انجنئیر ڈوو لیوینگکل نے کہا کہ میں آج یہاں اسرائیل کی جمہوریت سے آمریت کی طرف منتقلی کے خلاف احتجاج کر رہا ہوں۔

حکومت کا کہنا ہے کہ مجوزرہ تبدیلیاں ججوں کی طرف سے حد سے زیادہ رسائی کو روکنے کے لیے کی گئی ہیں۔

اسرائیلی وکلاء نے بھی بنجمن نیتن یاہو کی حکومت کے اس اقدام کی بھرپور مذمت کی، جبکہ اسرائیل کے کاروباری رہنماؤں کا کہنا تھا کہ یہ اقدام اسرائیلی معاشرے میں پہلے سے موجود سیاسی تقسیم کو فروغ دے گا۔

اسرائیلی شہر حیفہ میں ہونے والے مظاہرے میں اسرائیل کے سابق وزیر اعظم یائر لاپڈ بھی شامل تھے انہوں نے سوشل میڈیا پر تبصرہ کرتے ہوئے کہا کہ ہم اپنے ملک کو بچائیں گے کیونکہ ہم ایک غیر جمہوری ملک میں رہنے کو تیار نہیں ہیں۔