پاکستان سپر لیگ سیزن 8، ملتان میں افتتاحی تقریب نے چار چاند لگا دیئے

ویب ڈیسک

13th Feb, 2023. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان سپر لیگ سیزن 8، ملتان میں افتتاحی تقریب نے چار چاند لگا دیئے

پاکستان سپر لیگ سیزن 8 کی افتتاحی تقریب ملتان میں ہوئی، جس میں فنکاروں کی شاندار پرفارمنس نے تقریب کو چار چاند لگا دیئے۔

تفصیلات کے مطابق پاکستان سپر لیگ سیزن 8 کی افتتاحی تقریب ملتان کرکٹ اسٹیڈیم میں منعقد ہوئی جس میں ملک کے معروف گلوکاروں نے اپنی آواز کا جادو جگایا۔

معروف گلوکارہ آئمہ بیگ نے قومی ترانہ گا کر تقریب کا آغاز کیا، پی ایس ایل سیزن 8 کا آفیشل ترانہ گانے عاصم اظہر اور شائے گل کی شاندار پرفارمنس پر اسٹیڈیم میں موجود تماشائی جھوم اٹھے، موسیقار اور گلوکار ساحر علی بگا نے بھی شائقین پر اپنی آواز کا سحر طاری کر دیا۔

The national anthem of Pakistan sung by Aima Baig 🇵🇰#HBLPSL8 | #SabSitarayHumaray pic.twitter.com/BGUFJwa0Nv
— PakistanSuperLeague (@thePSLt20) February 13, 2023

یہ بھی پڑھیں : پاکستان سپر لیگ کے آٹھویں ایڈیشن کا شیڈول تیار

اس موقع پر شاندار آتش بازی کا مظاہرہ کیا گیا۔

پاکستان سپر لیگ سیزن 8 کی افتتاحی تقریب سے پی سی بی کی مینجمنٹ کمیٹی کے سربراہ نجم سیٹھی نے خطاب کیا اور کہا کہ دبئی سے شروع ہونے والا یہ سفر لاہور، کراچی اور ملتان تک پہنچ گیا ہے اور ان شاء اللہ اگلے سال پشاور اور پھر کوئٹہ جائیں گے۔

نجم سیٹھی نے کہا کہ پی ایس ایل اب ایک بین الاقوامی برانڈ بن چکی ہے جس نے پاکستان کے علاوہ دوسرے ملکوں کو بھی کھلاڑی دیئے ہیں، ہمیں اس لیگ پر فخر ہے۔