سابق ایس ایس پی ملیر راؤ انوار اور دیگر کی بریت کے خلاف اپیل دائر

شاہد حسین

20th Feb, 2023. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق ایس ایس پی ملیر راؤ انوار اور دیگر کی بریت کے خلاف اپیل دائر

نقیب اللہ قتل کیس کے معاملے میں سابق ایس ایس پی ملیرراؤ انوار اور دیگر کی بریت کے خلاف سندھ ہائی کورٹ میں اپیل دائر کردی گئی۔

تفصیلات کے مطابق نقیب اللہ قتل کیس کے معاملے میں اہم پیش رفت ہوئی ہے، مقتول نقیب اللہ کے بھائی شیرعالم کی جانب سے سابق ایس ایس پی ملیرراؤ انوار اور دیگر کی بریت کے خلاف سندھ ہائی کورٹ میں اپیل دائر کی گئی۔

اپیل مقتول نقیب اللہ کے بھائی شیرعالم کی جانب سے جبران ناصر ایڈووکیٹ کے توسط سے دائر کی گئی ہے جس میں درخواست گزار نے مؤقف پیش کیا کہ انسداد دہشت گردی عدالت نے ملزمان کو بری کرکے شواہد کو نظر انداز کیا ہے۔

مقتول نقیب اللہ کے بھائی نے وکیل کے توسط درخواست میں عدالت سے استدعا کی کہ انسداد دہشت گردی کے فیصلے کو کالعدم قراردیا جائے۔

واضح رہے کہ انسداد دہشت گردی عدالت نے نقیب اللہ قتل کیس کا فیصلہ 23 جنوری 2023 کو سنایا تھا۔ عدالت نے عدم شواہد کی بنا پر راؤ انوار سمیت 18 ملزمان کو بری کردیا تھا۔