لیگی رہنما عدلیہ کے خلاف زہراگلنے سے باز نہیں آئے

ویب ڈیسک

24th Feb, 2023. 06:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لیگی رہنما عدلیہ کے خلاف زہراگلنے سے باز نہیں آئے

عدالت پرڈنڈوں سے حملے کرنے والوں کے ایک بار پھر عدلیہ پر وار کرنے لگے۔

تفصیلات کے مطابق وزیردفاع خواجہ آصف بھی عدلیہ پر وار کرنے میں پیچھے نہ رہے۔ خواجہ آصف نے قومی اسمبلی میں خطاب کے دوران کہا کہ میں اپنی حدود کراس کرنا نہیں چاہتا، میں تنقید کرنا نہیں چاہتا، یہ فیصلہ 9 ججز نہیں بلکہ فل کورٹ کو سننا چاہیے۔

لیگی رہنما کا کہنا تھا کہ پوری کورٹ فریقین کو سن کر فیصلہ کرے، پوری قوم عدالتی فیصلوں سے متاثر ہوتی ہے۔

خواجہ آصف کے بیان پر پی ٹی آئی رہنما فواد چوہدری بھی میدان میں آگئے۔ انہوں نے وزیر دفاع کو جواب دیتے ہوئے کہا کہ پی ڈی ایم عدلیہ سے محاذ آرائی میں داخل ہوچکی ہے۔

فواد چوہدری کا کہنا تھا کہ عدلیہ کو نشانہ بنایا جارہا ہے، نااہلی گالیوں سے نہیں چھپے گی، اس وقت عدلیہ کو بلیک میلرز مافیاز کا سامنا ہے، عدلیہ چیف جسٹس سے گزارش ہے کسی بلیک میلنگ میں نہ آئیں حق و انصاف کے ساتھ کھڑے ہوں۔