پاکستان سپر لیگ کے میچ میں ملتان سلطانز نے پشاور زلمی کو 56 رنز سے شکست دے دی۔

ہدف کے تعاقب میں پشاور زلمی کی ٹیم 18.5 اوورز میں 154 رنز بنا کر آل آؤٹ ہو گئی، محمد حارث نے 40 رنز کی اننگ کھیلی لیکن کپتان بابر اعظم 9 رنز بنا سکے۔

صائم ایوب نے 53 رنز بنائے جبکہ رؤمن پاؤل نے 23 رنز بنائے۔

ملتان سلطانز کے اسامہ میر اور احسان اللہ نے 3،3 وکٹیں حاصل کیں، جبکہ عباس آفریدی نے 2 وکٹیں حاصل کی۔

اس سے قبل ملتان سلطانز نے مقررہ 20 اوورز میں 3 وکٹوں کے نقصان پر 210 رنز کا پہاڑ جیسا مجموعہ بنایا۔

ملطان سلطانز کی جانب سے غیر ملکی کھلاڑی بیٹنگ میں چھائے رہے رائلی روسو نے لاٹھی چارج کرتے ہوئے صرف 36 گیندوں پر 75 رنز کی اننگ کھیلی جس میں 12 چوکے اور دو بلند و بالا چھکے شامل تھے۔

ملتان سلطانز کے کپتان محمد رضوان نے 66 رنز کی اننگ کھیلی، شان مسعود 20، ڈیوڈ ملر 23 اور کیرون پولارڈ نے 15 رنز بنائے۔

پشاور زلمی کے بولر سلمان ارشاد نے 2 جبکہ سفیان مقیم نے 1 وکٹ حاصل کی۔

اسکواڈ:

ملتان سلطانز: محمد رضوان (کپتان)، شان مسعود، ریلی رؤسو، کیرون پولارڈ، ڈیوڈ ملر، خوشدل شاہ، کارلوس بریتھویٹ، اسامہ میر، عباس آفریدی، سمین گل، احسان اللہ ٹیم میں شامل ہیں۔

پشاور زلمی: بابر اعظم (کپتان)، محمد حارث، صائم ایوب، ٹام کوہلر کیڈمور، بھانوکا راجہ پاکسے، رؤمین پاول، وہاب ریاض، خرم شہزاد، صفیان مقیم، سلمان ارشاد