ترکیہ کے صوبے ہاتائے میں ایک بار پھر 6.4 شدے کے زلزلے نے زمین کو ہلا کر رکھ دیا ہے۔

تفصیلات کے مطابق ترکیہ کے صوبے ہاتائے میں آنے والے 6.4 شدت کے زلزلے کے باعث لوگوں گھروں سے باہر نکل آئے ہیں، انتظامیہ کا بھی کہنا ہے کہ زلزلہ زدہ علاقوں میں رہنے والوں کے لیے شدید خطرہ ہیں۔

واضح رہے کہ ترکی اور شام کے سرحدی علاقے میں 6.4 شدت کے زلزلے نے اس ماہ کے شروع میں تباہی مچائی تھی جس میں 40 ہزار سے زائد افراد ہلاک ہوئے تھے۔

یورپی بحیرہ روم کے زلزلہ پیما مرکز نے کہا کہ ترکیہ کے صوبہ ہاتائے میں آنے والا آفٹر شاک 2 کلومیٹر (1.2 میل) کی گہرائی میں تھا۔

یہ بھی پڑھیں : ترکیہ اور شام میں زلزلے سے ہونے والی ہلاکتیں 41 ہزار سے تجاوز کرگئیں

یہ زلزلہ ڈیفنے کے قصبے میں آج رات آیا جس کے جھٹکے شمال میں 200 کلومیٹر دور انتاکیا اور اڈانا کے شہروں میں بھی محسوس کئے گئے۔

ترکیہ کی ایمرجنسی مینجمنٹ ایجنسی نے بتایا کہ ہاتائے کے سمندگ ضلع میں مرکز 5.8 کی دوسری شدت نے کئی منٹ بعد علاقے کو ہلا کر رکھ دیا۔

غیر ملکی میڈیا کے نمائندے نے غازیان ٹیپ سے رپورٹنگ کرتے ہوئے کہا کہ علاقے میں مزید ڈھانچے کے تباہ ہونے کی اطلاعات ہیں، انہوں نے مزید کہا کہ بہت سے آفٹر شاکس تھے جو جاری تھے۔

نمائندے کا کہنا ہے ایسی عمارتیں ہیں جو کھڑی ہیں لیکن انہیں نقصان پہنچا ہے اور خدشہ ہے کہ اگر اس طرح کے مزید آفٹر شاکس آتے ہیں تو یہ ان عمارتوں کو گرا سکتا ہے، جس سے علاقے کو مزید نقصان پہنچ سکتا ہے یا زندگی کو خطرات لاحق ہو سکتے ہیں.