بابر اعظم کو سول اعزاز ستارہ امتیاز سے نوازا گیا

ویب ڈیسک

23rd Mar, 2023. 05:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اعظم کو سول اعزاز ستارہ امتیاز سے نوازا گیا

کپتان بابر اعظم کو آج پاکستان کے تیسرے بڑے سول اعزاز ستارہ امتیاز سے نواز دیا گیا۔

تفصیلات کے مطابق پاکستان کے کپتان بابر اعظم کو آج یوم قرارداد پاکستان کے موقع پر لاہور میں منعقدہ تقریب میں ستارہ امتیاز سے نوازا گیا ہے۔ بابر قومی ٹیم میں ان کی خدمات پر ستارہ امتیاز سے نوازے جانے والے کم عمر ترین شہری ہیں۔

اس سے قبل 2017 کی چیمپئنز ٹرافی جیتنے والی ٹیم کے کپتان سرفراز احمد اور مصباح الحق، یونس خان اور شاہد آفریدی پر مشتمل کچھ دیگر کرکٹرز کو ان کی کرکٹ میں کامیابیوں کے اعتراف میں ستارہ امتیاز سے نوازا گیا تھا۔

ستارہ امتیاز حاصل کرنے والوں میں محمد یوسف، سعید اجمل، انضمام الحق اور جاوید میانداد بھی شامل ہیں.

بابر اعظم نے 2022 کے آئی سی سی مینز کرکٹر کے لیے سر گار فیلڈ سوبرز ٹرافی بھی اپنے نام کی تھی، انہیں 2022 میں آئی سی سی ون ڈے ٹیم کا کپتان بھی مقرر کیا گیا تھا، اور آئی سی سی ون ڈے پلیئر آف دی ایئر کا ایوارڈ بھی اپنے نام کیا۔

بابر اعظم نے پاکستان کرکٹ پر انمٹ نقوش چھوڑے ہیں اور تاریخ کی کتابوں میں اپنا نام لکھوا لیا ہے۔ 28 سالہ کھلاڑی 2017 کی آئی سی سی چیمپیئنز ٹرافی ٹائٹل جیتنے کے بعد سے مستقل مزاجی کا مظہر اور پاکستان کے عروج میں ایک اہم کردار رہا ہے۔