قومی کرکٹ ٹیم کے سابق کپتان شاہد آفریدی کی جانب سے شاداب خان کو افغانستان کے خلاف ٹی ٹوئنٹی سیریز کے لیے کپتان بنانے پر خوشی کا اظہار کیا گیا ہے۔

پاکستان کرکٹ ٹیم کے سابق اسٹار آل راؤنڈر شاہد خان آفریدی نے ایک ٹوئٹ میں قومی ٹیم کے نائب کپتان شاداب خان کو افغانستان کے خلاف تین میچوں کی ٹی ٹوئنٹی سیریز کے لیے کپتان بنائے جانے پر مبارکباد دی ہے۔

شاہد آفریدی نے اپنی ٹوئٹ میں پی سی بی کے فیصلے کو سراہتے ہوئے کہا کہ کرکٹ بورڈ کی جانب سے سینئرز کھلاڑیوں کو آرام دینا اور نوجوان کھلاڑیوں سمیت شاداب خان کو کپتانی کا موقع فراہم کرنا ایک دانشمندانہ فیصلہ ہے۔

"Congratulations to @76Shadabkhan on being selected as the captain for the Pak vs Afg series! A wise decision by PCB to rest senior players and give talented young leaders like Shadab a chance to shine. Excited to see him prove himself on the field! #ShadabKhan #PCB #PakVsAfg"

Advertisement

— Shahid Afridi (@SAfridiOfficial) March 13, 2023

سابق کپتان نے مزید کہا کہ کہا کہ شاداب خان کو کھیل کے میدان میں خود کو ثابت کرتے ہوئے دیکھنے کے لیے پرجوش ہوں۔

ٹی ٹوئنٹی اسکواڈ

اعلان کردہ اسکواڈ میں عبداللہ شفیق، اعظم خان، فہیم اشرف،افتخاراحمد، نسیم شاہ، صائم ایوب، شان مسعود،طیب طاہر، زمان خان، احسان اللہ، عماد وسیم، محمد حارث، محمد نواز اور محمد وسیم جونیئر شامل ہیں۔

چیف سلیکٹر کے مطابق ریزرو کھلاڑیوں میں ابرار احمد، حسیب اللہ اور اسامہ میر شامل ہیں۔

اس کے علاوہ افغانستان سے سیریز کے لیے آصف علی، حیدر علی، محمد حسنین اور خوشدل شاہ کو ٹیم میں شامل نہیں کیا گیا ہے۔

واضح رہے کہ پاکستان اور افغانستان ٹی ٹوئنٹی سیریز 24 مارچ سے شروع ہوگی، سیریز کا دوسرا میچ 26 اور تیسرا 27 مارچ کو کھیلا جائے گا۔