باخموت پر قبضے کا مطلب روس کی فتح نہیں ہے، پینٹاگون

ویب ڈیسک

06th Mar, 2023. 07:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

باخموت پر قبضے کا مطلب روس کی فتح نہیں ہے، پینٹاگون

امریکہ کے اہم ترین دفاعی کنٹرول کے مرکز پینٹاگون نے کہا ہے کہ یوکرینی سرحدی شہر باخموت پر قبضے کا مطلب روس کی فتح نہیں ہے۔

غیر ملکی میڈیا کی رپورٹس کے مطابق گزشتہ ایک ہفتے سے باخموت کے قریب روس اور یوکرین کی افواج میں لڑائی شدت اختیار کر دی ہے اور کریملن نے باخموت شہر پر قبضے کا دعویٰ بھی کر دیا ہے۔

واضح رہے کہ روسی افواج کے ایک کمانڈر نے چند روز قبل یوکرین سے کہا تھا کہ وہ اپنی افواج کو باخموت سے واپس بلا لے۔

امریکہ کے وزیر دفاع لائیڈ آسٹن نے کہا کہ جنگ زدہ مشرقی یوکرین کا شہر باخموت روس کے لیے عملی طور پر نہیں بلکہ علامتی طور پر اہم ہے۔

یہ بھی پڑھیں : امریکہ کا روس سے یوکرین جنگ روکنے کا مطالبہ

امریکی وزیر دفاع لائیڈ آسٹن نے مزید کہا کہ اگر روس باخموت پر قبضہ کر بھی لیتا ہے تو یہ اس بات کا اشارہ نہیں ہے کہ ماسکو اپنی سال بھر سے جاری جنگ کی کوششوں میں کامیاب ہو گیا ہے۔

امریکی وزیر دفاع آج اردن کے دورے پر تھے جہاں انہوں نے نامہ نگاروں سے بات کرتے ہوئے کہا کہ میرے خیال میں یہ اسٹریٹجک اور آپریشنل قدر سے زیادہ علامتی اہمیت کا حامل ہے۔

روس کی فوج میں شامل کرائے کی افواج ’ویگنر‘ کے سربراہ یوگینی پریگوزن جو یوکرین میں ماسکو کی مداخلت کی سب سے طویل جنگ کی قیادت کر رہے ہیں، نے شکایت کی کہ ان کی افواج کے پاس اب بھی گولہ بارود کی کمی ہے۔