پیٹرول کی قیمتوں سے متعلق وزیر پیٹرولیم نے بڑی خوشخبری سنادی

ویب ڈیسک

23rd Mar, 2023. 09:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرول کی قیمتوں سے متعلق وزیر پیٹرولیم نے بڑی خوشخبری سنادی

پیٹرول کی قیمتوں سے متعلق وفاقی وزیر پیٹرولیم مصدق ملک نے بڑی خوشخبری سنادی۔

تفصیلات کے مطابق وفاقی وزیر پیٹرولیم مصدق ملک نے میڈیا سے گفتگو کرتے ہوئے کہا کہ حکومت کی طرف سے موٹر سائیکلوں اور چھوٹی گاڑیوں کو 100 روپے لیٹر سستا پیٹرول دینا سبسڈی نہیں، قیمتوں کا تعین کرنے والی اسکیم اور غریبوں کیلئے ریلیف پروگرام ہے۔

مصدق ملک کا کہنا تھا کہ ہماری وزارت کو ریلیف پیکج کا مسودہ تیار کرنے کیلئے چھ ہفتے کا وقت دیا گیا ہے۔

سستا پیٹرول اسکیم سے متعلق آئی ایم ایف کے خدشات پر مصدق ملک نے کہا کہ یہ اسکیم سبسڈی نہیں ہے، آئی ایم ایف نے ہم سے کسی تشویش کا اظہار نہیں کیا۔

وفاقی وزیر پیٹرولیم مصدق ملک کا مزید کہنا تھا کہ سستا پیٹرول اسکیم ویسی ہی ہے جیسے ہم نے گیس کے شعبے میں کیا ہے، گیس سیکٹر میں حکومت کی اسکیم پر آئی ایف ایم نے کوئی اعتراض نہیں کیا تھا۔