زمان پارک میں سابق وزیراعظم عمران خان کی رہائش گاہ پر لاہور ہائی کورٹ میں پولیس ایکشن پر توہین عدالت کی درخواست دائرکردی گئی۔

تفصیلات کے مطابق رہنما تحریکِ انصاف فواد چوہدری نےاظہر صدیق ایڈووکیٹ کے توسط لاہورہائی کورٹ میں چیئرمین پی ٹی آئی عمران خان کی رہائش گاہ پر پولیس ایکشن پر توہین عدالت کی درخواست دائر کی گئی۔

پولیس ایکشن کے خلاف عمران خان نے بھی لاہورہائی کورٹ سے رجوع کرلیا، عمران خان کی جانب سےآئینی پٹیشن اظہر صدیق ایڈووکیٹ نےدائر کی۔ توہین عدالت اور آئینی پٹیشن میں نگران حکومت پنجاب، چیف سیکرٹری پنجاب اور آئی جی اوردیگر کو فریق بنایا گیا۔

دائر درخواست میں مہقف اپنایا گیا کہ پولیس اور انتظامیہ نے معاہدے کی خلاف ورزی کرتے ہوئے عمران خان کی رہائش گاہ پر حملہ کیا۔ پولیس نے قانون کو ہاتھ میں لیا چادر اور چار دیواری کاتحفظ پامال کیا۔ پولیس نے نہتے اور بے گناہ کارکنوں کو تشدد کا نشانہ بنایا اور گرفتار کرلیا۔

عمران خان کی جانب سے درخواست میں استدعا کی گئی کہ عدالت غیر قانونی کارروائی میں ملوث پولیس والوں کےخلاف کارروائی کا حکم دے۔

دوسری جانب انسداد دہشت گردی عدالت نے عمران خان کے گھر کے سرچ آپریشن کی اجازت دی، انسداددہشت گردی عدالت کی ایڈمن جج عبہرگل نے مقدمہ کے تفتیشی افسر ذوالفقار چیمہ کی درخواست پر سرچ وارنٹ کی درخواست پر حکم جاری کیا۔

سرچ آپریشن صابطہ فوجداری کی دفعہ 47 کے تحت جاری کیا گیا، عدالت نے کہا کہ سرچ کے دوران قانون کے مطابق تفتیشی افسر کے ساتھ کم ازکم انسپکٹر رینک کی خاتون افسر ساتھ ہو۔