پاکستان سپر لیگ سیزن 8 کے 17 ویں میچ میں پشاور زلمی نے کراچی کنگز کو 24 رنز سے شکست دے کر اپنی بالادستی کو برقرار رکھا۔

کراچی زلمی کی ٹیم 198 رنز کے ہدف کے تعاقب میں مقررہ 20 اوورز میں 8 وکٹوں کے نقصان پر 173 رنز بنا سکی۔

کراچی کنگز کے میتھیو ویڈ نے 53 رنز بنائے، ایڈم روسنگٹن 15 رنز پر آؤٹ ہوئے۔

بین کٹنگ نے 15 رنز بنائے جبکہ کراچی کنگز کے کپتان عماد وسیم کی 57 رنز کی ناقابل شکست اننگ بھی ٹیم کو کامیابی نہ دلا سکی۔

پشاور زلمی کی طرف سے عظمت اللہ عمرزئی اور عامر جمال نے 3،3 وکٹیں لی، جبکہ وہاب ریاض نے 2 کھلاڑیوں کو آؤٹ کیا۔

اس سے قبل پشاور زلمی کی اننگ کا آغاز مایوس کن تھا، پہلی ہی گیند پر محمد حارث آؤٹ ہو گئے جبکہ اننگ کی پانچویں گیند پر کپتان بابر اعظم بھی بنا کوئی رن بنائے پویلین واپس لوٹ گئے۔

کراچی کنگز کے محمد عامر کی تباہ کن بولنگ کا اثر دوسرے اوور میں نظر آیا جب انہوں نے صائم ایوب کو ایک رن پر آؤٹ کر دیا۔

Proper Yellow Storm, this over! ⚡️#SabSitarayHumaray l #HBLPSL8 l #PZvKK pic.twitter.com/rPJQzxmCJg

— PakistanSuperLeague (@thePSLt20) March 1, 2023

دو رنز پر تین کھلاڑی آؤٹ ہونے کے بعد پشاور کنگز مشکلات کا شکار تھی، حسیب اللہ اور ٹام کوہلر کیڈمور نے ذمہ دارانہ بیٹنگ کرتے ہوئے ٹیم کو مشکلات سے نکالا، دونوں کے درمیان 82 رنز کی قیمتی شراکت داری ہوئی۔

پشاور زلمی کے ایمرجنگ کھلاڑی حسیب اللہ خان نے 50 رنز بنائے ، جبکہ رؤمن پاؤل نے 34 گیندوں پر 64 رنز بنائے،

ٹام کوہلر کیڈمور نے ناقابل شکست 56 رنز بنائے جبکہ عامر جمال 13 رنز پر ناٹ آؤٹ رہے۔

کراچی کنگز کی جانب سے محمد عامر نے 4 اور تبریز شمسی نے 1 وکٹ حاصل کی۔

اسکواڈز:

پشاور زلمی: بابر اعظم (کپتان)، محمد حارث، صائم ایوب، ٹام کوہلر کیڈمور، حسیب اللہ خان، رؤمن پاؤل، عامر جمال، وہاب ریاض، عظمت اللہ عمرذئی، ارشد اقبال، مجیب الرحمان

کراچی کنگز: ایڈم روسنگٹن، میتھیو ویڈ، طیب طاہر، شعیب ملک، عرفان خان، عماد وسیم (کپتان)، بین کٹنگ، عامر یامین، محمد عامر، تبریز شمسی، عاکف جاوید