افغانستان کے خلاف سیریز کے لیے قومی اسکواڈ کا حصہ بننے پر وکٹ کیپر بلے باز اعظم خان نے دلچسپ میم شیئر کردی۔

پاکستان کرکٹ بورڈ (پی سی بی) نے پاکستان اور افغانستان کے درمیان تین ٹی ٹوئنٹی میچز کی سیریز کے لیے قومی اسکواڈ کا اعلان کردیا جس میں شاداب خان کو کپتان مقرر کیا گیا ہے۔

پی ایس ایل 8 میں اسلام آباد یونائیٹڈ کی نمائندگی کرتے ہوئے وکٹ کیپر بلے باز اعظم خان نے بہترین کارکردگی کا مظاہرہ کیا جس کے باعث انہیں بھی اسکواڈ میں شامل کیا گیا ہے۔

Me right now. pic.twitter.com/YrOKcfevIG

Advertisement

— Azam Khan (@MAzamKhan45) March 13, 2023

اس حوالے سے معین خان کے صاحبزادے اعظم خان نے ٹوئٹر پر اپنی سلیکشن سے متعلق حیران کردینے والی دلچسپ میم شیئر کی جس میں ایک شخص حیرانی سے کہتا ہے کہ ‘میری سلیکشن ہوگئی’؟

اعظم خان نے اپنی ٹوئٹ کے کپشن میں لکھا ’’افغانستان کے خلاف اسکواڈ میں شامل ہونے پراس وقت میری کیفیت بالکل ایسی ہے‘‘۔

ٹی ٹوئنٹی اسکواڈ

اعلان کردہ اسکواڈ میں عبداللہ شفیق، اعظم خان، فہیم اشرف،افتخاراحمد، نسیم شاہ، صائم ایوب، شان مسعود،طیب طاہر، زمان خان، احسان اللہ، عماد وسیم، محمد حارث، محمد نواز اور محمد وسیم جونیئر شامل ہیں۔

چیف سلیکٹر کے مطابق ریزرو کھلاڑیوں میں ابرار احمد، حسیب اللہ اور اسامہ میر شامل ہیں۔

اس کے علاوہ افغانستان سے سیریز کے لیے آصف علی، حیدر علی، محمد حسنین اور خوشدل شاہ کو ٹیم میں شامل نہیں کیا گیا ہے۔

واضح رہے کہ پاکستان اور افغانستان ٹی ٹوئنٹی سیریز 24 مارچ سے شروع ہوگی، سیریز کا دوسرا میچ 26 اور تیسرا 27 مارچ کو کھیلا جائے گا۔