جوڈیشل کمپلیکس اورہائی کورٹ میں توڑ پھوڑکے کیس کی سماعت 20 مارچ تک ملتوی کردی گئی۔

تفصیلات کے مطابق جوڈیشل کمپلیکس اور ہائی کورٹ میں توڑ پھوڑکے کیس میں پی ٹی آئی رہنماؤں اور کارکنان کے خلاف دہشت گردی دفعات کے خلاف کیس کی سماعت ہوئی۔

سماعت انسدادہشتگردی عدالت کے جج جواد عباس نے کی۔

وکیل بابراعوان نے ایف آئی آر پڑھ کر سنائی اور کہا کہ ایف آئی آر میں دفعات قابل ضمانت ہیں۔ مقدمے میں کہا گیا کہ عمران خان کے ایما پر ہجوم نے جوڈیشل کمپلیکس اور ہائی کورٹ گیٹ پر ہنگامہ آرائی کی۔ ہجوم نے گیٹ توڑنے کی کوشش کی اور آتشی اسلحہ لہرایا۔

وکیل بابراعوان نے کہا کہ 22 کروڑعوام میں ایک اسٹنٹ کمشنر ہی ایک محب وطن ہیں۔ انھوں نے عدالت میں جاوید ہاشمی کیس کا بھی حوالہ دییا اور مذید کہا کہ بپلک انٹری گیٹس کی ایک الگ سیکیورٹی ہے، کیا گیٹ سیکیورٹی پر مامور کسی پولیس اہلکار نے بیان ریکارڈ کرایا؟

وکیل بابراعوان نے دلائل دیے کہ انھوں نے الزام لگایا کہ ادارے پر دھاوا بولا گیا۔

عدالت نے وکیل بابراعوان سے استفسارکیا کہ کیا عمارت عدالت کہلائے گی یا عمارت میں موجود ججز اور وکلا اور سائلین کی موجودگی عدالت کہلائے گی۔

وکیل بابراعوان نے کہا کہ ججزکے پاس اختیار ہے کہ کیس سننے اور فیصلہ دیں۔ وکیل کے رائیٹس ہیں کہ اسے سنا جائے۔ بلڈنگ عدالت نہیں ہے۔ ہم اس کا حصہ ہیں۔ وکلا کے بغیرعدالتی نظام نہیں چل سکتا۔ عمارت کے اندر اور باہر جانے والا ہر شخص جج نہیں۔ عمارت اورعدالت میں فرق ہے۔

دوران سماعت مرحوم جنرل مشرف کا بھی ذکر

وکیل بابر اعوان نے کہا کہ اس مقدمے میں دفعہ 148 149 لگتی ہے جو قابل ضمانت ہے۔

دوران سماعت مرحوم جنرل مشرف کا بھی ذکر کرتے ہوئے وکیل بابراعوان نے کہا کہ جنرل مشرف نے نادرا جیسے زبردست ادارے بنائے، حکومت کو بھی ایسے ہی ادارے پسند ہیں۔

بابر اعوان نے ایف آئی آر کا متن پڑھا، عمران خان گیٹ پر آئے اور ان کے کہنے پر کارکنان کو اشتعال دلایا گیا۔ دہشت گردی کا سوچنا بھی جرم ہمارے قانون میں۔ اس کے علاوہ جب تک جرم کیا نہ جائے تو اس کی سزا قانون میں نہیں ہے۔ روزانہ ایک مقدمہ درج کیا جاتا ہے۔

پی ٹی آئی کے وکیل نے دلائل دیے کہ سیاسی بات نہیں کرتا مگر اتنے کیسز درج ہوئے جن کی گنتی نہیں۔ آج کل ملزم ہونے کے لیے نام کے ساتھ صرف سواتی ہونا ہی کافی ہے۔ اس شہر میں 8 سالوں میں 4 ہزار لوگ مارے گئے مگر اتنی ایف آئی آرز درج نہیں ہوئیں۔ گھڑی گھڑی کرتی میں آپ گھڑی ہوئی۔

عدالت نے ریمارکس دیے کہ ایسی باتیں نہ کریں سیاسی بیان ہوگا۔

وکیل نعیم نے کہا کہ عمران خان سابقہ وزیراعظم ہیں، سیکیورٹی فراہم کی جاتی ہے۔ وفاق اور صوبائی حکومتوں کو ہدایات دی جائیں کہ سیکیورٹی فراہم کی جائے۔ استدعا ہے کہ تمام ملزمان کی عبوری ضمانت منظور کی جائے۔

وکیل عمران خان نے کہا کہ ہائی کورٹ میں داخلے کی لسٹیں بنی تھیں۔ میرا نام لسٹ میں موجود تھا۔لیکن مجھے روکا گیا۔ میرے پاس ویڈیو موجود ہے اسٹنٹ کمشنر کے روکا۔

عدالت نے پوچھا کہ کیا اسلام آباد ہائی کورٹ کے اندر بھی کیا ہجوم داخل ہوا؟ جس پرسرکاری وکیل نے جواب دیا کہ نہیں ہائی کورٹ کے اندر ہجوم داخل نہیں ہوا۔

عدالت نے کہا کہ فریقین آپس میں طے کرکے بتا دیں تا کہ ایک تاریخ فکس کرلیتے ہیں۔ عدالت نے کیس کی سماعت 20 مارچ تک ملتوی کردی۔