سوشل میڈیا پرشیر کی ایک ویڈیو تیزی سے وائرل ہو رہی ہے جسے دیکھ کرسب دنگ رہ گئے۔

بہت کم جانور ایسے ہوتے ہیں جو شیر کے ساتھ لڑنے اور اسے شکست دینے کا حوصلہ رکھتے ہیں، شیر کو عمومی طور پر جنگل کا بادشاہ سمجھا جاتا ہے۔

اگر آپ بھی ایسا سوچتے ہیں تو یقیناً آج اپنی سوچ اس ویڈیو کو دیکھنے کے بعد بدل دیں گے کیونکہ جنگل میں ایسے بہت سے جانور ہیں جو کہ شیر کو ہرا سکتے ہیں ان میں سے ایک دریائی گھوڑا ہے۔

دریائی گھوڑا ایک بڑا اور غصیلا جانور ہے، اس کا جبڑا بھی بہت بڑا ہوتا ہے جس کی وجہ سے اس سے مگرمچھ بھی ڈرتے ہیں تاہم ایک شیر بھی اکیلا اس پر حملہ کرنے کی غلطی نہیں کرتا ہے۔

تاہم شیر کو اکثر ‘جنگل کا بادشاہ’ کہا جاتا ہے لیکن جنوبی افریقہ کے ریزرو کی یہ تازہ ترین وائرل ویڈیو کچھ اور ہی کہہ رہی ہے، اس سنسنی خیز ویڈیو میں ایک دریائی گھوڑا شیر کو ڈراتے ہوئے دیکھایا گیا ہے جو جھیل سے پانی پی رہا تھا۔

 ویڈیو میں شیر کو جھیل کے کنارے پانی پیتے دیکھا جا سکتا ہے، جسے جھیل کے بیچ میں کھڑا ایک مشتعل دریائی گھوڑا دیکھ رہا ہوتا ہے۔

تاہم شیر ڈرتے ڈرتے پانی پی رہا ہی ہوتا ہے کہ غصیلا گھوڑا شیر کی طرف بڑھتے ہوئے اسے پانی پینے سے روکتا ہے، شیر کے پھر بھی نہیں رکنے سے دریائی گھوڑا دوبارہ اس کی طرف لپکتا ہے جس کے بعد جھیل کے باہرموجود تمام شیر کی دوڑیں لگ جاتی ہے۔

واضح رہے کہ وائرل ویڈیو کو انسٹاگرام پر کرگر نامی وائلڈ لائف اکاؤنٹ نے شیئر کیا ہے۔