پاکستانی ٹیم بڑے میچ کا دباؤ برداشت نہیں کر پاتی، شاداب خان
پاکستان کی وائٹ بال کرکٹ ٹیم کے نائب کپتان شادان خان کا کہنا ہے کہ پاکستانی ٹیم بڑے میچ کا دباؤ برداشت نہیں کر پاتی۔
تفصیلات کے مطابق کرکٹ کی ویب سائٹ کے ساتھ بات کرتے ہوئے شاداب خان کا کہنا تھا ٹیم بڑے میچز میں دباؤ کو برداشت نہیں کر پاتی یہی وجہ ہے کہ ماضی میں ہم بڑی ٹرافیاں نہیں لے سکے۔
شاداب خان نے کہا کہ ورلڈ کپ 2021 میں آسٹریلیا کے خلاف سیمی فائنل، گزشتہ ورلڈ کپ کا فائنل اور ایشیا کپ کا فائنل اس کا واضح ثبوت ہے کہ ہماری ٹیم بڑے میچز میں دباؤ کا شکار ہو جاتی ہے۔
یہ بھی پڑھیں : نئی ذمہ داری کو قابلیت کے مطابق نبھانے کی کوشش کروں گا، شاداب خان
شاداب خان کے نزدیک اس کے پیچھے بہت سی وجوہات ہو سکتی ہیں ہمیں ان کے خاتمے کے لیے کام کرنا ہو گا۔
شاداب خان کے خیال میں چیمپیئن سائیڈز دباؤ کو اچھی طرح سے ہینڈل کرتی ہیں اور ہم نے ایسا نہیں کیا جس کی وجہ سے ہم چیمپئن ٹیم نہیں بن سکے۔
شاداب خان نے کہا کہ ہم بہت اچھے فریق ہیں لیکن ہم دباؤ کو اچھی طرح سے ہینڈل نہیں کر رہے ہیں۔ مجھے لگتا ہے کہ اگر ہم اس پر توجہ دیں تو ہم ایک چیمپئن ٹیم بن جائیں گے۔
شاداب خان نے کم ویلیو کی وکٹ کے استعمال کا آئیڈیا بھی دیا، انہوں نے مثال دی کہ حسن علی ایک بولر ہیں اگر بیٹنگ میں ہم اس پر چانس لیں تو اچھا رزلٹ مل سکتا ہے
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News