جوڈیشل کمپلیکس ہنگامہ آرائی؛ پی ٹی آئی رہنماؤں کی ضمانتیں منظور

ویب ڈیسک

01st Mar, 2023. 03:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوڈیشل کمپلیکس ہنگامہ آرائی؛ پی ٹی آئی رہنماؤں کی ضمانتیں منظور

پاکستان تحریک انصاف کے رہنماؤں کے خلاف انسدادِ دہشتگردی ایکٹ کے تحت درج مقدمہ میں 13 مارچ تک عبوری ضمانت منظور کرلی گئی۔

تفصیلات کے مطابق انسدادِ دہشت گردی عدالت نے پی ٹی آئی رہنما،شبلی فراز،مراد سعید،عامر کیانی ،حسان نیازی محمد عاصم، شہزاد وسیم اور خرم نواز کی عبوری ضمانت منظور کیں۔

تمام رہنماؤں کی عبوری ضمانت 13 مارچ تک منظور کی، عدالت نے ایک ،ایک لاکھ کے ضمانتی مچلکوں کے عوض ضمانت منظور کی تھی تاہم ملزمان کے وکلا کی استدعا پر ضمانتی مچلکوں کو 1 لاکھ سے کم کر کے 20 ہزار کر دیا۔

انسدادِ دہشت گردی عدالت کے جج راجہ جواد عباس نے دونوں رہنماؤں کی عبوری ضمانت منظور کی، شہزاد وسیم اور راجہ خرم نواز نے آج عبوری ضمانت کی درخواست دائر کی تھی۔

واضح رہے کہ عمران خان کی جوڈیشل کمیشن پیشی کے دوران توڑپھوڑ پر پی ٹی آئی رہنماؤں کے خلاف تھانہ رمنا میں مقدمہ درج کیا گیا تھا۔