پاکستان تحریک انصاف (پی ٹی آئی) کی انتخابی ریلی کو روکنے کے لیے نگران حکومت کی جانب سے انتظامات کرنا شروع دیے گئے ہیں۔

تفصیلات کے مطابق نگران حکومت نے کنٹینرز کی پکڑ دھکڑ کا سلسلہ شروع کر دیا۔ زمان پارک جانے والے  30 سے زائد کنٹینرز کو پکڑ کر بند کر دیا گیا ہے۔

پی ٹی آئی کی ریلی، نگراں حکومت نے انتظامات شروع کر دیے
زمان پارک جانے والی سڑکیں کنٹینرز لگا کر بند کردیں
حکومت کی جانب سے دفعہ 144 کا نفاذ تحریک انصاف کی ریلی کو روکنے کے لیے کیا گیا #IStandWithShoaibShaikh pic.twitter.com/DUaKNayxgY

— BOL Network (@BOLNETWORK) March 12, 2023

نگران حکومت کی جانب سے پی ٹی آئی کی ریلی کو روکنے کے لیے زمان پارک جانے والی شاہراہوں پر کنٹینرز لگا کر بند کیے جانے کا بھی امکان ہے۔

واضح رہے کہ حکومت کی طرف سے دفعہ 144 کا نفاذ ریلی کو روکنے کے لئے کیا گیا ہے۔

آج کا دن انتہائی حساس قرار

دوسری جانب نگران وزیر اطلاعات عامر میر نے آج کا دن انتہائی حساس قرار دیا۔

عامر میر نے تعاون نہ کرنے پر پی ٹی آئی کے خلاف سخت کارروائی کی دھمکی بھی دی اور کہا کہ میچ کی وجہ سے آج کا دن انتہائی حساس ہے۔ الیکشن مہم 6 اپریل سے شروع ہوگی، اس سے پہلے سیاسی مہم نہیں چل سکتی ۔

انہوں نے مزید کہا کہ عمران خان کو مشورہ ہے پنجاب حکومت کے ساتھ تعاون کریں اور قانون کو ہاتھ میں لینے کی کوشش نہ کریں۔ کسی نے ریاست کی رٹ چیلنج کی تو سختی سے نمٹیں گے۔

یہ بھی پڑھیں: عمران خان کا کل انتخابی ریلی کی قیادت کا اعلان

گزشتہ روز چیئرمین پی ٹی آئی عمران خان خان نے اپنی قیادت میں آج لاہور میں انتخابی ریلی نکالنے کا اعلان کیا تھا۔

بعدازاں سابق وزیر اعظم عمران خان کی جانب سے آج ریلی نکالنے کے اعلان کے بعد پنجاب حکومت نے لاہور میں دفعہ 144 لگا دی تھی۔

یہ بھی پڑھیں؛ پی ٹی آئی ریلی؛ نگراں حکومت کا لاہور میں دفعہ 144 لگانے کا اعلان

عمران خان کے اعلان کے بعد ڈپٹی کمشنر لاہور نے کہا ہے کہ کرکٹ میچ کی وجہ سے کل ریلی کی اجازت نہیں دی جا سکتی کیوں کہ کرکٹ میچ اور ٹیم کی آمدو رفت کی وجہ سےانتہائی حساس دن ہے۔

ڈپٹی کمشنر لاہور نے کہا تھا کہ پی ٹی آئی نے ریلی ملتوی نہ کی تو دفعہ 144 کے نفاذ کے سوا کوئی چارہ نہیں ہوگا۔