پاکستان سپر لیگ سیزن 8 کے 20 ویں میچ میں لاہور قلندرز نے ملتان سلطانز کو21 رنز سے شکست دے کر اپنی فتوحات کا سلسلہ جاری رکھا۔

تفصیلات کے مطابق قذافی اسٹیڈیم لاہور میں پی ایس ایل 8 کے 20 ویں میچ میں لاہور قلندرز نے ملتان سلطانز کو21 رنز سے شکست دے دی۔

لاہور قلندرز کے 180 رنز کے جواب میں ملتان سلطانز کی ٹیم مقررہ 20 اوورز میں 6 وکٹوں کے نقصان پر 159 رنز ہی بنا سکی۔

https://twitter.com/thePSLt20/status/1632081329159323650

شان مسعود اور محمد رضوان کی جوڑی نے لیگ کے بہترین بولنگ اٹیک کے سامنے محتاط انداز میں ہدف کا تعاقب شروع کیا، شان مسعود 19 رنز بنا کر آؤٹ ہوئے، رضوان کا اسٹرائیک ریٹ 27 گیندوں پر 30 رنز تک ہی محدود رہا۔

اسامہ میر نے 17 اور ریلی رؤسو نے 12 رنز بنائے، خوشدل شاہ کی کوشش 10 رنز سے آگے نہ بڑھ سکی، جبکہ کیرون پولارڈ کی مزاحمت 39 رنز تک محدود رہی۔

لاہور قلندرز کی جانب سے حارث رؤف، زمان خان، اور سکندر رضا نے 1،1 وکٹ حاصل کی، جبکہ راشد خان کی گھومتی گیندوں پر ملتان سلطانز کے 3 بیٹسمین چکرا کر اپنی وکٹ دے بیٹھے۔

راشد خان نے 4 اوورز میں صرف 15 رنز دے کر 3 وکٹیں حاصل کیں۔

©️ checks on ©️

Rizwan is consoled by Shaheen after being struck on the arm.#HBLPSL8 | #SabSitarayHumaray | #LQvMS pic.twitter.com/e4g9KBbeWH

— PakistanSuperLeague (@thePSLt20) March 4, 2023

اس سے قبل لاہور قلندر نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 9 وکٹوں کے نقصان پر 180 رنز بنائے۔

قلندرز کو مضبوط بنیاد فراہم کرنے والے فخر زمان پہلے ہی اوور میں کوئی رن بنائے بغیر پویلین لوٹ گئے۔

دوسرے اوپنر مرزا بیگ نے 17 رنز بنائے، 50 رنز پر 2 وکٹیں گرنے کے بعد سام بلنگز اور عبداللہ شفیق نے قلندرز کی ڈٓرائیونگ سیٹ سنبھالی اور تیسری وکٹ کی شراکت میں 69 قیمتی رنز جوڑے۔

عبداللہ شفیق 48 رنز بنا کر پولارڈ کا شکار بنے، جبکہ سام بلنگز نے 54 رنز کی نمایاں اننگ کھیلی، سام بلنگز کی اننگ میں 6 چوکے اور 2 چھکے شامل تھے۔

سام بلنگز کے آؤٹ ہونے کے بعد رنز بنانے کی رفتار میں کمی آ گئی، سکندر رضا 13 رنز بنا کر آؤٹ ہوئے، ڈیوڈ ویزے نے 15 رنز بنائے۔

ملتان سلطانز کی جانب سے احسان اللہ، انور علی، عباس آفریدی اور کیرون پولارڈ نے 2،2 وکٹیں لیں جبکہ ایک وکٹ سمین گل کے حصے میں آئی.

https://twitter.com/thePSLt20/status/1632020734028464131

اسکواڈز:

لاہور قلندرز: فخر زمان، مرزا بیگ، عبداللہ شفیق، سام بلنگز، حسین طلعت، سکندر رضا، ڈیوڈ ویزے، راشد خان، شاہین شاہ آفریدی (کپتان)، حارث رؤف زمان خان

ملتان سلطانز: محمد رضوان (کپتان)، شان مسعود، ریلی روسو، ڈیوڈ ملر، کیرون پولارڈ، خوشدل شاہ، انور علی، اسامہ میر، عباس آفریدی، سمین گل، احسان اللہ