وزیراعظم آزاد کشمیر تنویر الیاس نے کہا ہے کہ پاکستان تحریک انصاف جمہوریت پر یقین رکھتی ہے۔

 تفصیلات کے مطابق وزیراعظم آزادکشمیر سردار تنویر الیاس نے اپنے ایک بیان میں کہا کہ زمان پارک میں نگران پنجاب حکومت کے وحشیانہ اقدامات کی شدید مذمت کرتے ہیں۔

تنویر الیاس نے کہا کہ پاکستان تحریک انصاف جمہوریت پر یقین رکھتی ہے ، پاکستان تحریک انصاف کو طاقت کے زور پر میدان سے باہر نہیں کیا جاسکتا۔

وزیراعظم آزادکشمیر سردار تنویر الیاس نے مزید کہا کہ عمران خان کی قیادت میں تحریک انصاف کی مقبولیت دن بدن بڑھ رہی ہے ، عمران خان کی قیادت میں تحریک انصاف نے اپوزیشن کو سیاسی میدان میں چاروں شانے چت کر دیا ہے۔

واضح ر ہے کہ زمان پارک میں آج ایک بار پھر چیئرمین پی ٹی آئی عمران خان کو گرفتار کئے جانے کا خدشہ ہے جس کی پیش نظر پولیس اور کارکنان میں تصادم کا  سلسلہ جاری ہے۔

 پولیس اور تحریک انصاف کے کارکنوں کے درمیان پتھراو اور شیلنگ کا سلسلہ وقفے وقفے سے جاری ہے جبکہ پولیس کی جانب سے شیلنگ اور پتھراؤ کے باعث زمان پارک میں مقیم رہاشیوں کی املاک کو نقصان پہنچا ہے۔

علاوہ ازیں آنسو گیس کی شیلنگ اور پتھراؤ کے باعث کئی گھروں کی کھڑکیوں کے شیشے ٹوٹ گئے ہیں جبکہ آنسو گیس کی شیلنگ کے باعث زمان پارک کے رہائشیوں کو شدید مشکلات کا سامنا ہے۔

پولیس کی ناکہ بندی کے باعث آنسو گیس کے متاثرین کو طبی امداد دینے میں بھی مشکلات کا سامنا ہے جبکہ زمان پارک کے رہائشی ناکہ بندی کے باعث گھروں میں مبحوس ہوکر رہ گئے ہیں۔

پولیس کی جانب سے آنسو گیس ک شیل لگنے سے کئی افراد زخمی ہوگئے ہیں جبکہ شیر خوار بچے بھی آنسو گیس سے شدید متاثر ہوئے ہیں۔

علاوہ ازیں مسلح پولیس تحریک انصاف کے کارکنوں پر سیدھے فائر اور شیلنگ کررہے ہیں  جس کے بعد ایک بار پھر زمان پارک کو میدان جنگ میں تبدیل کر دیا ہے۔

لاہور کے سرکاری اسپتالوں میں ایمرجنسی کا نفاذ برقرار رکھنے کا حکم

زمان پارک میں پی ٹی آئی کارکنان اور پولیس میں تصادم کے باعث لاہور کے سرکاری اسپتالوں میں ایمرجنسی کا نفاذ برقرار رکھنے کا حکم  دے دیا گیا ہے۔

اس حوالے سے سروسز اسپتال انتظامیہ کا کہنا ہے کہ تصادم کے نتیجے میں 51 پولیس اہلکار زخمی لائے گئے ہیں جبکہ8 شہری بھی زخمی حالت میں اسپتال منتقل ہوئے ہیں۔