امریکہ کے جنگلات میں لگنے والی آگ سرحد عبور کر کے کینیڈا پہنچ گئی جہاں آگ بجھانے والے 3 فائر فائٹرز ہلاک ہو گئے۔

کینیڈا میں جنگل کی آگ کے بدترین موسم سے نبردآزما ہونے کے دوران ایک تیسرا فائر فائٹر بھی ہلاک ہو گیا ہے۔

برطانوی خبر رساں ادارے کے مطابق حکام کا کہنا ہے کہ فائر فائٹر مغربی صوبہ برٹش کولمبیا میں فورٹ سینٹ جان کے قریب ڈونی کریک میں لگنے والی آگ پر قابو پاتے ہوئے ہلاک ہو گیا۔

امریکی سرحد کے قریب صوبے کے مزید جنوب میں واقع ایک علاقے کو لوگ خالی کرا رہے ہیں کیونکہ آگ قابو سے باہر ہو چکی ہے، اور فائر فائٹرز کو انتہائی مشکلات کا سامنا کرنا پڑ رہا ہے۔

کینیڈا میں اس وقت لگنے والی آگ کا ایک تہائی حصہ برٹش کولمبیا میں ہے۔

رواں سیزن میں اب تک کینیڈا کے جنگلات میں لگی آگ نے تقریبا تین کروڑ ایکڑ زمین کو جلا دیا ہے جو جنوبی کوریا یا کیوبا کے زمینی رقبے سے بھی زیادہ ہے۔

امریکہ کی شمال مغربی ریاست واشنگٹن سے شروع ہونے والی آگ کینیڈا میں داخل ہونے کے بعد صوبے کے جنوب میں واقع قصبے اوسووس اور اس کے آس پاس کے علاقوں کے رہائشیوں کو ہفتے کی رات وہاں سے نکل جانے کے لیے کہا گیا تھا۔

قصبے کے لوگوں نے آگ لگنے کی تصاویر سوشل میڈیا پر شیئر کیں ہیں۔

کینیڈا میں رواں ماہ ہونے والے مختلف واقعات میں دو دیگر فائر فائٹرز ہلاک ہو گئے ہیں جو کینیڈا میں اب تک کا بدترین جنگلاتی موسم بن چکا ہے۔

چوتھا شخص، ایک ہیلی کاپٹر کا پائلٹ، جو ‘بالٹینگ’ آپریشن میں مدد کر رہا تھا، گزشتہ ہفتے ہمسایہ صوبے البرٹا میں ایک حادثے میں ہلاک ہو گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں