اداکارہ سمانتھا نے بھی نینتھارا اور عالیہ کی طرح انڈسٹری سے بریک لینے کا فیصلہ کر لیا ہے۔

ایک اور نامور اداکارہ سمانتھا نے بھی لائم لائٹ سے کنارہ کشی اختیار کرنے کا ایک جرات مندانہ فیصلہ کر لیا ہے۔

اداکارہ سمانتھا ان دنوں وجے دیوراکونڈا کے ساتھ خوشی کی شوٹنگ کر رہی ہیں بلکہ وہ راج اور ڈی کے کی ہدایت کاری میں بننے والی سیٹاڈل ویب سیریز میں بھی کام کر رہی ہیں۔

جتنی تیزی سے شوٹنگ چل رہی ہے ایسا لگتا ہے کہ اداکارہ سمانتھا کو اس ویب سیریز کے لیے بھاری تنخواہ مل رہی ہے۔

یاد رہے کہ اداکارہ سمانتھا کو فی فلم 4 سے 5 کروڑ روپے فیس ملتی ہے لیکن اس سیریز کے لیے 10 کروڑ تک فیس لینے کی بات کی جا رہی ہے۔

حال ہی میں اس ویب سیریز کی شوٹنگ مکمل ہوئی ہے اور اس دوران انہوں نے انڈسٹری سے بریک لینے کا فیصلہ کیا ہے۔

سمانتھا روتھ پربھو اور ورون دھون کی فلم سیٹاڈیل ستمبر میں ایمیزون پرائم ویڈیو Amazon Prime Video پر ریلیز ہوگی۔

واضح رہے اداکارہ سمانتھا کا بریک لینے سے پہلے یہ آخری پروجیکٹ ہوگا  اور اس کے بعد وہ پوری توانائی کے ساتھ واپس آئے گی۔

اس سے قبل ایک اور نامور اداکارہ نینتھارا نے بھی لائم لائٹ سے کنارہ کشی اختیار کرنے کا ایک جرات مندانہ فیصلہ کیا تھا۔

ابتدائی طور پراداکارہ نے پربھودیوا سے شادی کے بعد فلموں سے ریٹائرمنٹ کا اعلان کیا تھا۔

 تاہم ایک مشکل بریک اپ اور میڈیا کی منفی توجہ کے بعد نینتھارا نے 2011 میں 11 ماہ کا بریک لیا تھا۔

 عالیہ بھٹ: بالی وڈ کی معروف اداکارہ عالیہ بھٹ نے 2017 میں جب بریک لیا تو بہت سے لوگوں کو حیران کر دیا۔ اپنے کیریئر کے عروج پر ہونے کے باوجود عالیہ اپنی زندگی کے دیگر پہلوؤں کو تلاش کرنا چاہتی تھیں۔

اداکارہ نے انڈسٹری سے بریک کتھک ڈانس جیسی نئی مہارتیں سیکھنے کے لیا تھا۔

کام کے محاز کے لہاذ سے اداکارہ عالیہ نے اڑتا پنجاب، ہائی وے، رازی، گلی بوائے، گنگوبائی کاٹھیاواڑی، آر آر آر، اور برہمسترا جیسی کامیاب فلمیں دینا جاری رکھیں۔