متحدہ عرب امارات کا پہلا ایف اے ایس ٹی 5 گرینڈ پرائز بھارتی شہری نے جیت لیا، 25 سال تک ماہانہ لاکھوں روپے ملیں گے۔

تفصیلات کے مطابق متحدہ عرب امارات میں مقیم بھارتی شہری محمد عادل خان نے پہلا ایف اے ایس ٹی 5 گرینڈ پرائز جیت لیا ہے جس کے تحت انہیں  اگلے 25 سال تک ماہانہ 25 ہزار درہم ملیں گے۔

سرکاری بیان میں انکشاف کیا گیا ہے کہ لکھنؤ سے تعلق رکھنے والے آرکیٹیکٹ محمد عادل خان نے کبھی سوچا بھی نہیں تھا کہ ان کی پہلی خریداری انہیں گرینڈ پرائز کا فاتح بنا سکتی ہے۔

اپنی بڑی کامیابی کے ساتھ مسٹر عادل کا مقصد اپنے خاندان کے لئے ایک گھر خریدنا ہے اور سرمایہ کاری کے دیگر مواقع بھی تلاش کرنا چاہتے ہیں۔

بیان میں مزید کہا گیا ہے کہ انہوں نے لاٹری ٹکٹ خریدنے کا فیصلہ اس وقت کیا جب انہیں ایک دن سوشل میڈیا سکرول کرتے ہوئے اشتہار نظر آیا۔

سال 2018 میں سعودی عرب سے دبئی جانے والے عادل نے کہا کہ یہ پہلا موقع تھا جب میں قرعہ اندازی کا ٹکٹ لے کر آیا تھا۔ ایک دن سوشل میڈیا پر اپنی فیملی کی تصاویر دیکھ رہے تھے تو مجھے ایمریٹس ڈرا کا ایک اشتہار نظر آیا۔

امید سے بھرے ہوئے، انہوں نے اگلے ہفتوں کے لیے ایک ٹکٹ خریدا۔ ان کا کہنا ہے کہ ان کے بینک اکاؤنٹ میں ہر ماہ 25 ہزار درہم وصول کرنے کا خیال ‘ناقابل یقین’ سے کم نہیں ہے۔

عادل نے مزید کہا کہ میں نے کبھی سوچا بھی نہیں تھا کہ میری پہلی خریداری مجھے پہلا فاسٹ فائیو گرینڈ پرائز جیتنے والا بنا دے گی۔ 25 سال سے میرے بینک اکاؤنٹ میں ہر ماہ 25,000 درہم وصول کرنے کا خیال ناقابل یقین ہے۔

یہ پہلی بار ہے کہ انہوں نے اس عظیم انعام جیسی بڑی چیز جیتی ہے ، جس سے مبینہ طور پر انہیں سرمایہ کاری کے اچھے فیصلے کرنے میں مدد ملے گی۔

محمد عادل نے کہا کہ میں نے کبھی بھی کسی اور ڈراز کی طرف سے اس طرح کی انوکھی انعامی پیشکش نہیں دیکھی۔ یہ جیت میری مالی پریشانیوں کو دور کرے گی اور مستحکم ثانوی آمدنی کی ضمانت دے گی ، جس سے مجھے سرمایہ کاری کے اچھے فیصلے کرنے میں مدد ملے گی۔

اپنی بڑی کامیابی پر خوش عادل نے کہا کہ اب وہ اپنے خاندان کو متحدہ عرب امارات میں اپنے ساتھ لانے کا خواب پورا کر سکتے ہیں۔