صحت مند رہنے کے لیے ماہرین متوازن غذا کا مشورہ دیتے ہیں جس میں تمام پھل، سبزیاں، گوشت،  پھلیاں، ڈرائی فروٹس کے ساتھ بیج شامل ہیں۔  بیجوں کی بھی بہت سی اقسام ہے تاہم ان میں سب سے صحت بخش سورج مکھی کے بیج ہیں۔

سورج مکھی کے بیج میں ایسے تمام صحت بخش اجزاء پائے جاتے ہیں جو بیماریوں سے بچاؤاور صحت کو بہتر کرنے میں مدد فراہم کر سکتے ہیں ۔ یہی وجہ ہے کہ اسے سپ فوڈ کا درجہ حاصل ہے۔

اس میں کئی طرح کی حل پزیر اور غیر حل پزیر چکنائیاں ،کاربو ہاؤڈریٹ، فائبر، اومیگا تھری فیٹی ایسڈ ، پروٹین، وٹامن ای، وٹامن بی 6، کیلشییم،آئرن، میگنیشییم، فاسفورس، پوٹاشییم ، زنک، کاپراور میگنیز پائے جاتے ہیں ۔ اسی لئے ماہرین غذائیت اسے خوراک میں شامل رکھنے پر زور دیتے ہیں ۔

مزاج کو بہتر بنائیں

موڈ اگر رہتا ہے خراب اور نیند بھی نہیں آتی تو آج ہی سے سورج مکھی کے بیج کو اپنی غذا کا حصہ بنا لیں اور مزاج کے ساتھ نیند کو بھی بہتر کریں ، کیونکہ اس میں موجود میگنیشییم دماغ میں سیروٹنین کی سطح کو توازن میں رکھتا ہے جس سے نیند اور مزاج دونوں بہتر ہو جاتے ہیں۔

بیماریوں سے تحافظ فراہم کرے

سورج مکھی کے بیج میں کئی طرح کے منرلز اور وٹامنز کی کثیر تعداد پائی جاتی ہے اسی وجہ سے کئی طرح کی بیماریوں جیسے عارضہ قلب، سرطان اوربلند فشارخون(بلڈ پریشر) سے بچاءواور خون میں شوگر کی سطح کو اعتدال میں رکھنے میں مدد فراہم کرتے ہیں ۔ اور ساتھ ہی وزن کم کرنے اور ہڈیوں کو بھی مضبوط بناتے ہیں ۔

حاملہ خواتین کے بہترین غذابھی اور دوا بھی

اگر آپ ماں بننے کے خواہش مند ہیں یا امید سے ہیں دونوں صورتوں میں یہ بیج آپ کے لئے ایک متوازن غذا ثابت ہو گی ۔ یہ زنک ،فلوٹ اور وٹامن ای حاصل کرنے ایک موءثر ذریعہ ہے جبکہ وٹامن ای حاملہ خواتین کی صحت کے لئے بے حد ضروری ہے ۔

جلد کی صحت کے ضامن

اس میں موجود وٹامن ای جلد کی صحت میں اہم کردار ادا کرتا ہے ، جھریوں سے پاک جلد کا خواہش مند اس کو کھانے کے ساتھ اپنی عادت بنا لے۔