سری لنکا کے دارالحکومت کولمبو میں جاری لنکا پریمیئر لیگ کے میچ کے دوران ایک سانپ گراؤنڈ میں گھس آیا۔

تفصیلات کے مطابق یہ دلچسپ صورتحال اس وقت پیدا ہوئی جب ایل پی ایل کا میچ گال ٹائٹنز اور ڈمبولا اورا کے درمیان میچ جاری تھا، گراؤنڈ میں سانپ کی موجودگی پر میچ کچھ دیر کے لیے روک دیا گیا۔

بنگلہ دیشی آل راؤنڈر شکیب الحسن نے امپائر کو ہاتھ کے اشارے سے بتایا کہ سانپ میدان میں داخل ہو چکا ہے، جس کے بعد امپائر نے کچھ دیر کے لیے کھیل روک دیا۔

گراؤنڈ امپائر نے سانپ کو پاؤں کے اشارے سے میدان سے دور لے جانے کی کوشش کی، سانپ باؤنڈری کے باہر گال ٹائٹنز کے ڈگ آؤٹ میں داخل ہو گیا۔

Advertisement

Hello, stranger. Where is your accreditation card? 🐍

Even the Sri Lankan wildlife can't resist the action at the LPL! 🏏#LPL2023 #LiveTheAction pic.twitter.com/R9Fa5k1D3p

— LPL – Lanka Premier League (@LPLT20) July 31, 2023

کولمبو میں پیر کو گال ٹائٹنز اور ڈمبولا اورا کے مابین میچ کے دوران اس وقت دلچسپ صورتحال پیدا ہوگئی جب ایک لمبے بلیک ممباسا سانپ کو گراونڈ میں رینگتے ہوئے دیکھا گیا جس کے بعد امپائرز نے کھیل کو روک دیا۔

لیگ انتظامیہ نے ریسکیو اور وائلڈ لائف ٹیم کو طلب کیا جنہوں نے سانپ کو پکڑا اور اسٹیڈیم سے باہر لے گئے۔

سانپ کی موجودگی کے دوران گراؤنڈ میں موجود کھلاڑیوں کے لیے یہ ایک حیرت انگیز لمحہ تھا جس سے وہ خوب محظوظ ہوئے۔

میچ میں گال ٹائٹنز نے دمبولا کے خلاف شاندار فتح حاصل کی کیونکہ وہ میچ کے تینوں شعبوں میں ایک بہتر ٹیم تھی۔

پہلے بیٹنگ کی دعوت ملنے کے بعد گال ٹائٹنز نے لاستھ کروسپل کو 5 گیندوں پر صرف 3 رنز پر کھو دیا لیکن شیون ڈینیل اور بھانوکا راجا پاکسے نے جارحانہ انداز اپنایا اور ٹائٹنز کو تیز آغاز فراہم کیا۔ پاور پلے کے اختتام تک وہ 55/1 کا اسکور بنانے میں کامیاب رہے تھے۔

درمیانی اوورز میں دمبولا کا غلبہ رہا۔ تاہم، داسن شناکا نے لاہیرو سماراکون کے ساتھ جوڑی بنائی اور کپتان نے اننگز کے اختتام پر گیند بازوں پر اپنا اندرونی غصہ ظاہر کیا۔ شناکا نے صرف 21 گیندوں پر 42 رنز بنائے اور ٹائٹنز کو 180 رنز کا ہندسہ عبور کرنے میں مدد کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں