پاکستان کی سینئر اداکارہ بشریٰ انصاری نے اپنی رنگت کے حوالے سے اہم انکشاف کر دیا۔

 اداکارہ بشریٰ انصاری نے بتایا کہ بچپن میں بہن بھائیوں کے مقابلے میری رنگت سانولی تھی جس کی وجہ سے گھر والے مجھے ’ کلو‘ کہہ کر پکارتے تھے۔

بشریٰ انصاری نے بتایا کہ میری بہنیں پریوں کی طرح لگتی تھیں، لاہور میں لبرٹی مارکیٹ جاتیں تو ان کے رشتوں کی لائنیں لگ جاتی تھیں جبکہ میری والدہ بالکل انگریز لگتی تھیں بس ایک میں ہی تھی جو کالی لگتی تھی۔

شوبز انڈسٹری میں دوستی  پر بات کرتے ہوئے بشریٰ انصاری نے کہا کہ بہروز سبزواری میری سہیلی ہے، اس کے ساتھ دُنیا بھر میں شوز کیے۔

مزید پڑھیں:

https://www.bolnews.com/urdu/entertainment/2023/02/219857/

اداکارہ نے بتایا کہ میں 16 برس کی عمر میں بہت دُبلی پتلی ہوتی تھی۔

  بشریٰ انصاری نے اپنی بہن اور اداکارہ سنبل  کے انتقال پر بات کرتے ہوئے کہا کہ ڈھائی برس تک والدہ سے سنبل بن کر ٹیلی فون پر باتیں کرتی تھی،میری اور سنبل کی آواز اور انداز گائیکی مماثلت رکھتی تھی۔

سینئر اداکارہ نے مزید بتایا کہ شادیوں میں شرکت سے خوف آتا ہے، بےنظیر بھٹو، نازیہ حسن اور بانی متحدہ کی شادی میں شریک نہیں ہوئی۔

اس کے علاوہ اداکارہ نے بتایا کپہ مجھے ملکہ ترنم نور جہاں کی نقل کرکے بہت اچھا لگتا ہے،  ان کے انتقال کے بعد ان کی فیملی سے ان کی استعمال کی ہوئی ساڑھی لی، جو میں اب بھی پہنتی ہُوں۔

واضح رہے اختتام میں اداکارہ  بشریٰ انصاری نے بتایا کہ ساڑھی پہننے کا جنون ہے،  اتنی ساری ساڑھیاں ہیں کہ ان کو فروخت کرکے بیرون ملک فلیٹ لے سکتی ہوں۔