بھارتی نژاد برطانوی 10 سالہ ادیتی ایک دن بھی اسکول کی چھٹی کئے بغیر 50 ممالک کی سیر کرنے میں کامیبا ہو گئیں۔

غیر ملکی خبرر ساں ادارے کے مطابق ادیتی کے والدین نے اپنی بیٹی کی تعلیم کا حرج کئے بغیر اپنی بیٹی کو دنیا گھما دی۔

ادیتی کے والدین برطانیہ میں مقیم ہیں اور دونوں اکاؤنٹنٹ ہیں اور چاہتے ہیں کہ ان کی بیٹی دنیا گھومے اور دنیا کے مختلف علاقوں کی ثقافت سے آشنا ہو اور اس کی تعلیم کا نقصان بھی نہ ہو۔

تاہم اس خواہش کو پورا کرنے کی خاطر وہ سال بھر میں تقریباً 20 ہزار پاونڈ کی رقم سیاحت پر خرچ کرتے ہیں اور اس بات کا خیال رکھتے ہیں۔

خیال رہے ادیتی کے والدین بیٹی کے اسکول کی موسم گرما کی چھٹیاں اور سرکاری تعطیلات کے مطابق پہلے سے منصوبہ بندی کر لیتے ہیں تاکہ بچی کی تعلیم کا نقصان نہ ہو۔

اس حوالے سے ادیتی کے والدین نے بتایا کہ وہ اکثر ادیتی کو جمعہ کو اسکول سے لے کر سیاحت کے لئے نکل جاتے ہیں اور اتوار کی رات گئے یا پھر پیر کی صبح سویرے واپس آتے ہیں اور اس بات کو یقینی بناتے ہیں کہ ادیتی کے اسکول کی چھٹی نہ ہو۔

واضح رہے کہ ننھی طلبہ کے والدین کے مطابق ادیتی نے 3 برس کی عمر سے دنیا گھومنے کے اس سفر کا آغاز جرمنی سے کیا تھا اور اب تک یورپ کے تمام ممالک کے علاوہ تھائی لینڈ، نیپال اور سنگاپور سمیت 50 ممالک بھی گھوم چکی ہے اور ادیتی کا پسندیدہ ملک جارجیا، آرمینیا اور نیپال ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں