وزیراعظم کے لیے اسحاق ڈار کا نام میرے علم میں نہیں، قمر زمان کائرہ

ویب ڈیسک

23rd Jul, 2023. 11:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کے لیے اسحاق ڈار کا نام میرے علم میں نہیں، قمر زمان کائرہ

پی پی رہنما قمر زمان کائرہ نے کہا ہے کہ وزیراعظم کے لیے اسحاق ڈار کا نام میرے علم میں نہیں۔

تفصیلات کے مطابق وزیر اعظم کے مشیر برائے امور کشمیر و گلگت بلتستان قمر زمان کائرہ نے بول نیوز کے پروگرام اب بات ہوگی میں گفتگو کرتے ہوئے کہا کہ وزیراعظم کے لیے اسحاق ڈار کا نام میرے علم میں نہیں، نگراں سیٹ اپ کے ناموں کے اعلان میں کوئی جلدی نہیں ہے، نگراں سیٹ اپ کے لیے وزیراعظم نے کمیٹی بنا دی ہے۔

قمر زمان کائرہ نے کہا کہ نگراں سیٹ اپ سےمتعلق جو ماضی میں ہوا وہ نامناسب تھا، مردم شماری پر جماعت اسلامی اور ایم کیوایم کے تحفظات ہیں۔

انہوں نے یہ بھی کہا کہ ایم کیوایم کہہ رہی ہے کہ نئی مردم شماری کے تحت انتخابات ہوں لیکن یہی ایم کیوایم یہ بھی کہہ رہی ہےکہ مردم شماری درست نہیں ہے۔

وزیر اعظم کے مشیر برائے امور کشمیر و گلگت بلتستان قمر زمان کائرہ نے مزید کہا کہ نئی حلقہ بندیوں کے بعد الیکشن تاخیر کا شکار ہوجائے گا، مردم شماری نوٹیفائی ہوجائے تو بھی حلقہ بندیوں کے لیے 4ماہ چاہئیں۔