بھارتی ٹیم میں ورلڈکپ جیتنے کی اہلیت نہیں، یووراج سنگھ

ویب ڈیسک

13th Jul, 2023. 09:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی ٹیم میں ورلڈکپ جیتنے کی اہلیت نہیں، یووراج سنگھ

سابق بھارتی کرکٹر یوراج سنگھ کا کہنا ہے کہ رواں سال ہونے والے ورلڈکپ کے بھارت کے جیتنے کے کوئی امکانات نہیں ہیں۔

یوٹیوب چینل پر بھارت کو ورلڈکپ جتوانے والے آل راؤنڈر یوراج سنگھ نے بھارتی ٹیم کی خامیوں کا ذکر کرتے ہوئے کہا کہ ہمارے اہم کھلاڑی ان فٹ ہیں جس میں وکٹ کیپر رشبھ پنت، کے ایل راہول اور شریاس ایر شامل ہیں۔

انہوں نے کہا ان تین اہم بلے بازوں کی غیر موجودگی میں بھارتی ٹیم کا مڈل آرڈر کمزور ہوا ہے اور اگر ٹیم فتح حاصل کرنا چاہتی ہے تو ہمیں مڈل آرڈر مضبوط کرنا ہوگا۔

انہوں نے کہا کہ ایک محب وطن کی طرح میں کہہ سکتا ہوں کہ ہاں ہندوستان جیتنے والا ہے لیکن اگر سچ پوچھیں تو مجھے نہیں لگتا کہ ہم میگا ایونٹ جیت سکتے ہیں۔

یوراج سنگھ نے مزید کہا کہ اگر ورلڈکپ جیتنا ہے تو ویرات کوہلی اور روہت شرما کا کردار سب سے اہم ہوگا، انہیں اچھا کرنا ہوگا تب ہی ٹیم سے امیدیں باندھی جاسکتی ہیں، دونوں سنیئیر کھلاڑیوں کو فٹنس برقرار رکھنی ہوگی اور رن کے انبار لگانے ہوں گے۔

واضح رہے کہ میگا ایونٹ کا آغاز 5 اکتوبر سے شروع ہوگا، بھارت ورلڈکپ میں اپنے سفر کا آغاز 8 اکتوبر کو آسٹریلیا کے خلاف میچ سے کرے گا۔