معروف فٹ بالر کرسٹیانو رونالڈو نے ان خبروں کی سختی سے تردید کی ہے کہ انہوں نے ہم وطن کھلاڑی کو النصر لانے کی کوشش کی تھی۔

تفصیلات کے مطابق کرسٹیانو رونالڈو نے مبینہ طور پر اپنے 28 سالہ ہم وطن اوتاویو کو فون کیا اور انہیں النصر میں ان کے ساتھ شامل ہونے کے لئے قائل کرنے کی کوشش کی۔

لیکن جمعے کو فارینس کے خلاف النصر کے دوستانہ میچ کے موقع پر رونالڈو نے ان دعووں کو مسترد کر دیا ہے، فٹ بال کی معروف ویب سائٹ کے مطابق رونالڈو نے صحافیوں کو بتایا کہ ‘بہت سے کھلاڑیوں کے بارے میں بات کی جاتی ہے، میں اس لیے نہیں بولتا کیونکہ میں ایجنٹ نہیں ہوں۔

رونالڈو کے مطابق اوٹاویو کے بارے میں بات کی جاتی ہے، جیسے 10 یا 15 دوسرے لوگ جنہوں نے بات کی ہے، لیکن ان کے آنے کی اب بھی کوئی خبر نہیں ہے۔ ظاہر ہے ہم ٹیم کو مضبوط کرنے جا رہے ہیں، لیکن ابھی تک کوئی نام سامنے نہیں آیا ہے۔

جب رونالڈو سے پوچھا گیا کہ کیا ان کے کلب نے اوٹاویو کے ساتھ معاہدہ ختم کر دیا ہے تو انہوں نے کہا کہ یہ مکمل طور پر جھوٹ ہے۔ وہ میڈیا خبر جاری کرتے ہیں، لیکن کچھ بھی حتمی شکل نہیں دی گئی ہے۔

کلب میں رونالڈو کے پہلے سیزن میں پانچ پوائنٹس سے سعودی پرو لیگ ٹائٹل سے محروم رہنے کے بعد النصر مضبوط ہونے کی کوشش کر رہے ہیں۔

واضح رہے کہ پرتگال کے بین الاقوامی کھلاڑی روبن نیوس سمیت متعدد بڑے یورپی نام اس موسم گرما میں سعودی کلبوں میں شامل ہو گئے ہیں۔

برازیل میں پیدا ہونے والے اوٹاویو نو سال سے پورٹو میں ہیں اور ان کے موجودہ معاہدے میں اب بھی دو سال باقی ہیں۔

اگر رونالڈو کلب کی سطح پر اپنے پرتگال ٹیم کے ساتھی کے ساتھ رابطہ قائم کرنا چاہتے ہیں تو النصر کو اپنی 31 ملین پاؤنڈ کی ریلیز کی شق ادا کرنا ہوگی۔