نسلہ ٹاور کیس میں منظور قادر کاکا کی ضمانت منسوخ کردی جس کے بعد اینٹی کرپشن حکام نے منظور قادرکاکا کو گرفتار کرلیا۔ 

تفصیلات کے مطابق کراچی میں اسپیشل جج صوبائی اینٹی کرپشن کورٹ میں نسلہ ٹاورکی زمین کی غیرقانونی الاٹمنٹ کے مقدمے سے متعلق کیس کی سماعت ہوئی۔

سابق ڈائریکٹر جنرل سندھ بلڈنگ کنٹرول اتھارٹی منظورقادر کاکا عدالت میں پیش ہوئے، عدالت نے سابق ڈی جی سندھ بلڈنگ کنٹرول اتھارٹی کی درخواست ضمانت پر فیصلہ محفوظ کیا تھا۔

تفتیشی افسر اور وکیل سرکار شرف الدین کی ضمانت مسترد کرنے کی استدعا کی، سرکاری وکیل نے کہا کہ منظورقادرکاکا نے نسلا ٹاورکا غیر قانونی طور پر نقشہ پاس کیا۔

منظورقادرکاکا عدالت سے عبوری ضمانت حاصل کرچکے ہیں، عدالت نے پانچ لاکھ روپے کے مچلکےجمع کرانے عوض عبوری ضمانت منظور کی تھی۔

منظور قادر کاکا اور دیگر ملزموں پر نسلہ ٹاورکی زمین سات سو گز سے بڑھاکر گیارہ سو مربع گز کرنےکاالزام ہے۔

ملزموں کے خلاف سندھ بلڈنگ کنٹرول اتھارٹی سےسرکاری زمین کاغیرقانونی نقشہ پاس کروانے کا الزام ہے۔

سپریم کورٹ نےنسلہ ٹاورکی غیرقانونی تعمیر کا نوٹس لےکر مقدمہ درج کرنے کا حکم دیا تھا۔ نسلہ ٹاور کو سپریم کورٹ کے حکم پر 2022 میں مسمارکردیا گیاتھا۔

صوبائی اینٹی کرپشن کورٹ نے نسلہ ٹاور کیس میں منظور قادر کاکا کی ضمانت منسوخ کردی جس کے بعد اینٹی کرپشن حکام نے منظور قادر کاکا کو گرفتار کرلیا۔

عدالت نے ملزم خیر محمد کی بھی عبوری ضمانت منسوخ کرتے ہوئے دونوں ملزمان کو حراست میں لینے کی ہدایت کی۔

نسلہ ٹاور کیس/ تفتیشی افسر زاہد میرانی نے عدالت کے باہر میڈیا کو بتایا کہ منظور قادر کاکا نے نسلہ ٹاورکی غیرقانونی منظوری دی تھی۔ سپریم کورٹ کے حکم پر منظور قادر کاکا کے خلاف مقدمہ درج کیا تھا۔ 26 جولائی کو عدالت نے منظور کاکا کی عبوری ضمانت منظور کی تھی۔

تفتیشی افسر نے بتایا کہ عدالت نے آج منظور کاکا کی ضمانت میں توسیع کی درخواست پر سماعت تھی۔ عدالت نے آج منظورکاکا کی ضمانت منسوخ کی۔ ضمانت منسوخی کے بعد اینٹی کرپشن نے منظور کاکا کو گرفتار کرلیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں