وزیراعظم شہبازشریف کا احتساب ریفرنس میں نواز شریف کی بریت پر اظہار تشکر

ویب ڈیسک

06th Jul, 2023. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم شہبازشریف کا احتساب ریفرنس میں نواز شریف کی بریت پر اظہار تشکر

وزیراعظم شہباز شریف نے کہا ہے کہ اللہ کا شکر ہے کہ محمد نوازشریف کو انصاف ملا ہے۔

تفصیلات کے مطابق وزیراعظم شہبازشریف نے احتساب ریفرنس میں سابق وزیراعظم محمد نوازشریف کی بریت پر اظہار تشکرکرتے ہوئے کہا کہ اللہ کا شکر ہے کہ محمد نوازشریف کو انصاف ملا ہے۔

وزیراعظم نے کہا کہ احتساب عدالت کا فیصلہ گواہی دے رہا ہے کہ نوازشریف کو سیاسی طورپر نقصان پہنچانے کے لئے جان بوجھ کر جھوٹے مقدمے میں ملوث کیا گیا۔

انھوں نے اظہار تشکر میں کہا کہ عدالت نے تسلیم کیا ہے کہ نوازشریف لاہور ہائی کورٹ اورحکومت کی اجازت سے بیرون ملک گئے۔ عدالت نے یہ بھی تسلیم کیا کہ نوازشریف ملک میں ہوتے تو تفتیش کا حصہ بنتے۔

وزیراعظم شہبازشریف نے کہا کہ یہ ثبوت ہے کہ جان بوجھ کر اُس وقت کی انتقامی حکومت نے نوازشریف کو مفرور قرار دلوایا۔ ثابت ہو گیا کہ نوازشریف کو سیاسی نقصان پہنچانے کے لئے نیب نیازی گٹھ جوڑکے ذریعے سیاسی انتقام کا نشانہ بنایاگیا۔

انھوں نے مذید کہا کہ قائد محمد نوازشریف کو مبارک باد دیتا ہوں کہ اللہ تعالی نے جھوٹ پرمبنی ایک اور مقدمے میں انہیں سرخرو کیا۔ امید ہے کہ محمد نوازشریف کے ساتھ سیاسی مقاصد کی خاطر جو ظلم اور زیادتی کی گئی ِ، اس میں انہیں مکمل انصاف ملے گا۔