بالی وڈ اداکارہ  کاجول نے اپنے نام اور والد شومو مکھرجی کے حوالے سے اہم انکشاف کردیا۔

غیر ملکی  خبر رساں ادارے کے مطابق بالی وڈ کی اداکارہ کاجول نے حال ہی میں اپنے دیے گئے ایک انٹرویو میں بتایا کہ ان کے والد چاہتے تھے کہ ان کا نام ایک لگژری کار کے نام پر رکھیں اور اسی وجہ سے وہ اداکارہ کا نام “مرسیڈیز” رکھنے والے تھے۔

ان کا کہنا تھا کہ میرے والد نے ہر ایک کوشش کرلی تھی کہ میرا نام “مرسیڈیز” ہی رکھا جائے لیکن شکر ہے میری والدہ نے ایسا ہونے نہیں دیا۔

اداکارہ کاجول نے مزید بتایا کہ “ان کا نام “کاجول” رکھے جانے کے پیچھے بھی ایک کہانی ہے اور وہ یہ کہ میری دادی کے پاس ایک ڈائیری تھی جس میں وہ اپنے تمام بچوں کے نام لکھتی تھیں۔

میری دادی اپنی ڈائیری میں ایسے نام بھی لکھتی تھیں جو وہ اپنے بچوں کے رکھنا چاہتی تھی لیکن رکھے نہیں۔

 تاہم ان ناموں میں میرے والد کا نام “کاجول دا” بھی تھا اور اسی سے میرا نام کاجول رکھ دیا گیا۔

واضح رہے کہ اداکارہ  کاجول کی والدہ تنوجا مکھرجی ماضی میں ایک بہترین اداکارہ رہ چکی ہیں جبکہ اداکارہ نے 1999 میں اداکار اجے دیوگن سے شادی کی جن سے ان کی ایک بیٹی نیسا دیوگن اور بیٹا یوگ دیوگن ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں