مرتضٰی وہاب کا کہنا ہے کہ ماضی میں حکومتوں کے خلاف اتنا پروپیگنڈا کیا گیا کہ عوام اور حکومتوں کے درمیان دوریاں پیدا ہوئیں۔ 

میئرکراچی مرتضی وہاب نے سندھ ہائی کورٹ میں وکلا میں ہیلتھ انشورنس کارڈز کی تقسیم کی تقریب سے خطاب کرتے ہوئے کہا کہ  پروفیشنل زندگی کا زیادہ وقت اسی بار اور احاطے میں گزارا ہے۔ درپیش مسائل کا حل حکومت کو تلاش کرنا ہے۔

مرتضٰی وہاب نے کہا کہ ماضی میں حکومتوں کے خلاف اتنا پروپیگنڈا کیا گیا کہ عوام اور حکومتوں کے درمیان دوریاں پیدا ہوئیں۔  پیپلز پارٹی نے یہ دوریاں ختم کیں، وکلا اور حکومت کے درمیان فاصلہ بھی ہم نے ختم کیا بار کونسل نے برج کا کردار ادا کیا۔

انھوں نے کہا کہ جب ہائی کورٹ آتا ہوں دیکھ کر خوشی ہوتی ہے یہاں 1122 کے ایمبولینس کھڑی ہوتی ہے۔ خود وکالت کرتا تھا اس وقت پارکنگ نہیں ملتی تھی۔ اسٹے آرڈر دینے سے مسئلہ حل نہیں ہوتا اسٹے آرڈر سے پارکنگ کا مسلہ حل نہیں ہوا۔ ہم نے راستہ نکالا اور پارکنگ کی جگہ مل گئی، ہم نے جگہ بھی دی اور ترقیاتی کام بھی کرائے۔

میئرکراچی نے کہا کہ تیسرا ٹارگٹ وکلا کو صحت کی سہولیات فراہم کرنا تھا۔ ہم نے گرانٹ دینے کے بھائی ہیلتھ انشورنس پر توجہ دی۔ اتنی بڑی رقم دینے کا وعدہ بلاول بھٹو کی حکومت نے کیا تھا جو پورا کیا۔ حکومت کے بھی مسائل ہوتے ہیں ایک دیرینہ مسئلہ ہے مختلف دفاتر مختلف جگہوں پر ہیں۔

مرتضٰی وہاب نے کہا کہ حکومت نے تجویزدی ہے کہ بیرکس میں عمارت بنا کرتمام سرکاری دفاتر کو ایک جگہ کردیا جائے۔  اس طرح شہریوں کا بھی مسئلہ حل ہوگا تمام دفاتر ایک جگہ ہوں گے۔ وکلا ساتھ دیں اس احاطے میں سرکاری دفاتر قائم کرنے میں مدد دیں۔ حکومت کروڑوں روپے کرائے پر خرچ کررہی ہے وہ بھی بچیں گے۔

انھوں نے مذید کہا کہ ہم پرعام آدمی کو ریلف دینا چاہتے ہیں۔ پاکستان پیپلز پارٹی کی سندھ حکومت ہو، سٹی حکومت یا ٹائونز ہوں ہر جگہ کام کریں گے۔ زرداری صاحب تو وہ ہیں جنہوں نے نظر بند ججز کو ریلیز کرایا۔