یہ بات تو سب ہی جانتے ہیں کہ جگر انسانی جسم کا اہم ترین عضو ہے جو فلٹرکا اہم کام انجام دیتا ہے صرف یہی نہیں یہ جسم کی مجموعی صحت کو برقرار رکھنے کے لیے 500 سے زیادہ افعال انجام دیتا ہے۔ یہ آپ کے مدافعتی نظام، میٹابولزم، نظام ہاضمہ اورجسم کے فاسد مادوں کے اخراج میں اہم کردار ادا کرتا ہے۔

جگر جسم کے کئی افعال تو انجام دیتا ہی ہے لیکن اس کی سب سے زیادہ اہمیت فاسد مادوں کے اخراج یعنی ڈیٹوکسی فیکیشن کے لیے ہے۔ اس طرح یہ جسم کو بیماری کا سبب بنے والے زہریلے مادوں سے پاک کر کے صحت مند رکھتا ہے۔

اگر یہ عضو اپنے افعال بہتر طریقے سے انجام نہ دے تو کئی امراض جنم لینے لگتے ہیں تاہم اسے صحت مند رکھنے کے لیے جہاں مثبت طرز زندگی ضرروی ہے وہی کچھ غذائیں بھی اس ضمن میں کارگر ثابت ہوتی ہیں۔ کیونکہ اس کی صحت کا براہ راست تعلق اس غذا سے ہے جو آپ کھاتے ہیں۔ یہاں جگر دوست غذائیں پیش کی جارہی ہے۔

کافی

کافی کے شوقین افراد کے لیے خوشخبری ہے کیونکہ وہ اس طرح اپنے جگر کی صحت کو برقرار رکھ رہے ہیں ایک تحقیق کے مطابق کافی کا شمار ان بہترین مشروبات میں ہوتا ہے جو جگر کو صحت مند رکھنے کے ساتھ اسے کئی امراض سے بچاتے ہیں۔

سبزپتوں والی سبزیاں

سبزیاں آپ کی مکمل صحت کی ضامن ہے، سبزپتوں والی سبزیاں جیسے پالک اور سلاد پتہ جسم سے فاسد مادوں کو دور کر کے جگر کے فعال کو بہتر بناتی ہیں۔

چکنائی والی مچھلی

اومیگا تھری فیٹی ایسڈ سے بھرپور فیٹی فش جیسے سالمن جسم سے سوزش دور کر کے جگر کی صحت کو بہتر بناتی ہے۔

زیتون کا تیل

ایکسٹرا ورجن آلیوآئل ایک صحت مند تیل ہے جس میں صحت بخش چکنائیاں اور اینٹی آکسیڈینٹ موجود ہوتے ہیں جو جگر کو آکسیڈیٹو تناؤ سے تحفظ فراہم کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں