بالی وڈ اداکارہ جھانوی کپور 10 جولائی کو اپنی آنے والی حب الوطنی پر مبنی تھرلر فلم الاج کی شوٹنگ شروع کرنے کے لیے دہلی پہنچنے والی تھیں۔

غیر ملکی خبر رساں ادارے کے مطابق جھانوی کپور کی دہلی شوٹنگ کا شیڈول سیلاب کے بحران کی وجہ سے روکا دیا گیا ہے۔

جمنا ندی کے پانی کی سطح ریکارڈ بلندی پر پہنچ گئی ہے، جس سے شہر میں شوٹنگ کرنا غیر محفوظ ہو گیا ہے۔ تاہم اس جھانوی کپور کو تقریباً 15 دن تک دہلی میں شوٹنگ کرنی تھی۔ اداکارہ کے ساتھ پوری ٹیم 10 جون کو دہلی آنی تھی، سب کچھ طے تھا لیکن انہوں نے اس منصوبے کو آگے بڑھایا کیونکہ بارش کی وجہ سے چند ہی دنوں میں ساری صورتحال بدل گئی، جس سے سیلاب کا بحران پیدا ہو گیا۔

فلم کے تخلیق کاروں کا ارادہ دہلی بھر میں مختلف مقامات پر شوٹنگ کرنا تھا۔  تاہم یہی وجہ ہے کہ ان کے پاس شوٹنگ کو آگے بڑھانے کے علاوہ کوئی دوسرا راستہ نہیں تھا۔

 انہیں پرانی دہلی، لال قلعہ، قطب مینار، دیگر یادگاروں، لاجپت نگر بازار اور علاقے میں شوٹنگ کرنی تھی۔  ان کا جنوبی دہلی میں بھی شوٹنگ کا وسیع منصوبہ تھا لیکن اس وقت یہ ناممکن ہے کیونکہ سب کی حفاظت کو ذہن میں رکھتے ہوئے ٹیم نے اس منصوبے کو آگے بڑھا دیا ہے۔

 یاد رہے کہ انہوں نے مقام تبدیل کرنے کا فیصلہ نہیں کیا ہے، وہ اگست کے وسط میں دہلی میں شوٹنگ کے لیے آئیں گے اور مقامات کا احاطہ کریں گے۔

اسپائی تھرلر فلم ’الجھ‘ میں اداکارہ جھانوی کپور کے ساتھ گلشن دیویا اور روشن میتھیو مرکزی کردار میں نظر آئیں گے۔

اس فلم میں جھانوی کپور، گلشن دیویا اور روشن میتھیو کے ساتھ راجیش تایلانگ، میانگ چانگ، سچن کھیڈکر، راجندر گپتا اور جتیندر جوشی جیسے متعدد فنکار اہم کرداروں میں نظر آئیں گے۔

فلم الجھ کو سدھانشو ساریہ ڈائریکٹ کرنے جا رہے ہیں۔ فلم کی کہانی پرویز شیخ اور سدھانشو ساریا نے لکھی ہےجبکہ مکالمے اتیقا چوہان نے لکھے ہیں۔

بتایا جا رہا ہے کہ فلم الجھ کی کہانی ایک آئی ایف ایس افسر کی ہے جس کا تعلق بااثر محب وطنوں کے خاندان سے ہے۔

واضح رہےفلم  الجھ کی کہانی میں موڑ یہ ہے کہ نوجوان آئی ایف ایس آفیسر ایک خطرناک ذاتی سازش کا شکار ہو جاتا ہے اور مختلف پریشانیوں میں پھنس جاتا ہے۔