سوشل میڈیا پر ہر روز ہی نت نئے یا یہ کہیں تو بے جانہ ہوگا کہ عجیب و غریب کھانے کی تراکیب پوسٹ کی جارہی ہیں جو کافی مقبول ہورہی ہیں تاہم کچھ  لوگ صرف لائک اور ویوز حاصل کرنے کے لیے اس طرح کے کھانے تیار کررہے ہیں چاہے ان کا ذائقہ کیسا ہی کیوں نہ ہو۔

تاہم حال ہی میں ایک ایسی ویڈیو سوشل میڈیا پر مقبول ہورہی ہے جس میں پیزا پکانے کا انتہائی منفرد انداز پیش کیا گیا ہے اور وہ ہے آتش فشاں پہاڑ پر پیزا تیار کرنا۔ گوئٹے مالا کے ایک فعال آتش فشاں پر پکا ہوا پیزا کھانے کی خاتون کی ویڈیو نے انٹرنیٹ کو  حیران کر دیا ہے۔

واضح رہے کہ گوئٹے مالا کے ایک فعال آتش فشاں پہاڑ پرکچھ مقامی لوگوں نے پہاڑ کی حدت سے پیزا پکا کرفروخت کرنے کا آغاز کیا ہے اس منفرد انداز سے پیزا پکانے کا یہ عمل سوشل میڈیا پر خوب وائرل ہورہا ہے اور بہت سے افراد اور یوٹیوبر نے محض اس پیزا سے لطف اندوز ہونے کے لیے گوئٹے مالا کا سفر اختیار کیا ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Bucket List + Adventure Travel ✺ Alex (@alexandrablodgett)

Advertisement

انہیں میں الیگزینڈرا بلڈجٹ  بھی شامل ہیں، انہوں نے اپنے انسٹاگرام پر ایک ویڈیو شیئر کی ہے جس میں گوئٹے مالا کے اس سفر کی ایک دلچسپ جھلک پیش کی ہے جہاں انہوں نےایک  خاص قسم کا پیزا آزمایا جو ایک فعال آتش فشاں کے اندر پکایا گیا تھا۔

آپ اپنی پسند کے لذیذ ٹاپنگز کے ساتھ پیزا کے لیے کہاں تک جاسکتے ہیں، پیزاکے لیے الیگزینڈرا کا یہ سفر اس کھانے سے ان کی محبت کا منہ بولتا ثبوت ہے جنہوں نے ایک فعال آتش فشاں  پہاڑ کا سفر اختیار کیا اور ایک خاص قسم کا پیزا آزمایا۔ اس کلپ میں دیکھا جاسکتا ہے کہ پیزا کے تمام اجزاء کا ملا کر اسے آتش فشاں پہاڑ کے اندر پکایاجاتا ہے جسے  الیگزینڈرا نے بہت شوق سے کھایا۔

واضح رہے کہ یہ آتش فشاں پہاڑ فعال ہے! جبکہ اس میں سے آخری بار لاوا 2021 میں نکلا تھا۔

اس ویڈیو نے 1.2 ملین سے زیادہ ویوز اور لاتعداد تبصرے حاصل کیے ہیں۔اس انوکھی ڈش ک دیکھ کر لوگ دنگ رہ گئے ہیں ۔ بہت سے لوگوں کو یہ جاننے میں دلچسپی ہے کہ پیزا کا ذائقہ کیسا ہے۔